قازاقستاندا كوشەدە تۇكىرۋگە تىيىم سالىنۋى مۇمكىن

دەنساۋلىق ساقتاۋ ءمينيسترى اجار عينيات ورتالىق كوممۋنيكاتسيالار قىزمەتىندە وتكەن بريفينگتە كوشەدە تۇكىرۋگە تىيىم سالۋ تۋرالى جۋرناليستەردىڭ ۇسىنىسىن قولدادى دەپ حابارلادى turkystan.kz ulysmedia.kz-كە سىلتەمە جاساپ.

مينيستردەن «قالاي ويلايسىز، كوشەدە تۇكىرۋگە تىيىم سالۋ كەرەك پە؟ مىسالى، ەۋروپادا ونداي پروبلەما جوق. ال بىزدە ايالدامالار مەن قوعامدىق ورىنداردا تۇكىرىكتەن اياق الىپ ءجۇرۋ قيىن»، –  دەپ سۇرادى جۋرناليست.

 «مەن قوعامدىق ورىنداردا تۇكىرۋگە تىيىم سالۋدى تولىعىمەن قولدايمىن. بۇل – مادەنيەت، بۇل –  گيگيەناعا جانە تاربيەگە قاراما-قايشى. بارلىعىمىز بىرگە دەپۋتاتتارعا وسىنداي باستاما كوتەرۋىمىز كەرەك»، – دەدى اجار عينيات. 

مينيستر مۇنداي باستاما زاڭعا ەنبەي تۇرىپ، اۋەلى قوعامدا تالقىلانۋى كەرەكتىگى تۋرالى ايتتى.

«تىيىم سالۋ دەگەن ءسوز زاڭ تۇرعىسىنان الساق، سالدارى جاۋاپقا تارتۋ ماسەلەسىن قوزعاۋى مۇمكىن. سوندىقتان ابدەن ءپىسىرىپ، قوعام تالقىسىنان وتكىزۋ كەرەك دەپ ويلايمىن»، –  دەدى اجار عينيات.

 

ۇقساس جاڭالىقتار

Back to top button