قازاقستاندىق سپورتشى نورۆەگياعا بارۋ ءۇشىن حالىقتان اقشا جيناپ جاتىر

شاڭعىمەن سىرعاناۋ جانە شاڭعىمەن سەكىرۋ بىرىكتىرىلگەن سپورت تۇرىنەن (شاڭعى قوسسايىسى) سپورت شەبەرى، 2014-2021 جىلعى قازاقستان چەمپيونى  چينگيز راكپاروۆ نورۆەگيادا وتەتىن وقۋ-جاتتىعۋ جيىنىنا بارۋ ءۇشىن حالىقتان اقشا جيناۋعا ءماجبۇر دەپ حابارلادى turkystan.kz.

بۇل تۋرالى ەلىمىزدە قارقىندى دامي قويماعان سپورت تۇرىمەن اينالىسىپ جۇرگەن سپورتشىنىڭ ءوزى ايتتى.

«مەن نورۆەگيا قۇراماسىنان 01.09.2022 مەن 3.10.2022 ارالىعىندا ترونحەيمدە وتەتىن بىرلەسكەن وقۋ-جاتتىعۋ جيىنىنا شاقىرۋ الدىم. نورۆەگيا –  قىسقى سپورت تۇرلەرى بويىنشا ءسوزسىز كوشباسشى. بۇل ەڭ مىقتى سپورتشىلارمەن جاتتىعۋ تسيكلىنەن ءوتۋدىڭ بىرەگەي مۇمكىندىگى» دەپ جازدى شاڭعىشى چينگيز راكپاروۆ الەۋمەتتىك جەلىدە.

سونداي-اق، ول مۇنداي ەلدەرگە ارنايى بارىپ، جاتتىعۋدىڭ قازاقستانداعى قىسقى سپورتقا پايداسىن دا تىزبەكتەپ بەرگەن. ال ونداي يدەيالاردى جۇزەگە اسىرۋ ءۇشىن بۇگىنگىدەي مۇمكىندىكتەردى جىبەرىپ الماۋ قاجەت. بىراق مۇنداي تاجىريبەدەن ءوتۋ ءۇشىن سپورتشىعا قوماقتى قارجى كەرەك. الدىن الا بولجام بويىنشا، اڭگىمە 2،8 ملن تەڭگە (5700 €) تۋرالى بولىپ وتىر.

«قازاقستانداعى قىسقى سپورتتىڭ قازىرگى جاعدايىن ەسكەرە وتىرىپ (بۇرىنعى جازبالارىمدى قاراڭىز)، مەملەكەتتەن قولداۋ كۇتۋ بەكەر دەپ سانايمىن. مەن سپورتتى جاقسى كورەتىندىكتەن جانە ەلىمە ارمان ەتكەن مەدالدى اكەلگىم كەلەتىندىكتەن، بۇل مۇمكىندىكتى جىبەرىپ العىم كەلمەيدى. سوندىقتان ءوز بەتىمشە قارجى جيناپ كورگىم كەلەدى. بۇل رەتتە سىزدەردىڭ قولداۋلارىڭىزعا جانە دەمەۋشىلىكتەرىڭىزگە ءزارۋمىن»، – دەدى قازاقستان چەمپيونى.

 

پوسموترەت ەتۋ پۋبليكاتسيۋ ۆ Instagram

 

پۋبليكاتسيا وت Chingiz Rakparov (@chingizrakparov)

ۇقساس جاڭالىقتار

Back to top button