Қазақ балуандары Румынияда 11 медаль жеңіп алды

Қазақстандық еркін күрес балуандары Бухарестте (Румыния) өткен халықаралық турнирде 11 медаль жеңіп алды деп хабарлады turkystan.kz ҰОК-ке сілтеме жасап. Турнирде Данияр Қайсанов (74 келіге дейін) және Әділет Дәулімбаев (92 келіге дейін) алтыннан алқа тақты. Абзал Өкенов (57 келіге дейін), Жігер Зәкіров (79 келіге дейін) және Юсуп Батырмұрзаев (125 келіге дейін) екінші орын алды. Үшінші орынды Дәулет Ергеш (79 келіге дейін), Бейбарыс Нұрыллаұлы (79 келіге дейін), Ислямбек Ислямов (86 келіге дейін), Бекзат Үркімбай (97 келіге дейін), Серік Бақытханов (92 келіге дейін), Олег Болтин (125 келіге дейін) иеленді.