Қазақстандағы танымал отбасында он сегізінші сәби өмірге келді

Танымал көпбалалы отбасында он сегізінші сәби өмірге келді деп хабарлады turkystan.kz. Көпбалалы Павел мен Татьяна Култышевтар отбасында былтыр дәл осы шілде айында он жетінші сәби өмірге келген болатын. Биыл он сегізінші баласы дүние есігін ашты. Kazakh_inform-ның жазуынша, казір сәбидің денсаулығы жақсы, салмағы  4 келі 100 грамм болып туылған. Анасы сәбиімен бірге перзентханадан шықты. Енді Култышевтар отбасында 8 қыз 10 ұл бар. Айта кетерлігі, бақытты отбасында тағы бір қуанышты жаңалық болды. Үлкен қыздары Инна жақында ғана ана атанған. Осылайша, көпбалалы ата-ана ата, әже болып отыр. Павел мен Татьяна Култышевтар Петропавлда тұрады. Көпбалалы ана тұңғышын 20 жасында босанған. Егіз балалары жоқ. Сәбилерінің арасы негізінен, 1 жас шамасында.