Журналист Махамбет Абжан екі айға қамауға алынды

Нұр-Сұлтан қалалық тергеу соты баспасөз қызметінің мәлімдеуінше, журналист, блогер Махамбет Абжан екі айға қамауға алынды деп хабарлады turkystan.kz. Айта кетсек, ол кәсіпкерлерді бопсалады деген күдікке ілініп, 5 шілдеде қалалық сот оған қатысты бұлтартпау шарасын қолданды. Бұлтартпау шарасын таңдау соты бес сағаттан астам уақытқа созылды. Еске салсақ, 3 шілде күні Сыбайлас жемқорлыққа қарсы іс-қимыл агенттігі жүргізген арнайы операцияның нәтижесінде М. Абжан 50 миллион теңге алғаннан кейін ұсталып, Нұр-Cұлтан қаласы ПД УҰИ-ға қамауға алынды.