اقتوبە وبلىسىندا جىلقىعا سوعىلعان كولىك جۇرگىزۋشىسى قازا تاپتى

اقتوبە وبلىسىندا جىلقىعا سوعىلعان كولىك جۇرگىزۋشىسى قازا تاپتى دەپ حابارلادى turkystan.kz.  

وبلىستىق پوليتسيا دەپارتامەنتىنىڭ مالىمەتىنشە، قايعىلى وقيعا 3 شىلدەدە تاڭعى ساعات 2:10 شاماسىندا سامارا-شىمكەنت جولىندا بولعان.

«33 جاستاعى ەر ادام باسقارعان Toyota Camry كولىگى اقتوبەدەگى قوبدا اۋىلى باعىتىنان كەلە جاتىپ، جىلقىعا سوعىلعان. جانۋار سول جەردە ولگەن. وقيعا سالدارىنان جاراقات العان جۇرگىزۋشى مەن ەكى جولاۋشى قوبدا اۋدانىنىڭ ورتالىق اۋرۋحاناسىنا جەتكىزىلدى. الايدا جۇرگىزۋشى العان جاراقاتىنان كەلەسى كۇنى قايتىس بولدى»، – دەلىنگەن پد حابارلاماسىندا.

قازىر پوليتسەيلەر جانۋاردىڭ يەسىنىڭ كىم ەكەنىن انىقتاپ جاتىر، تابىلعان جاعدايدا جاۋاپقا تارتىلادى.

ۇقساس جاڭالىقتار

Back to top button