نۇر-سۇلتاندا جاستارعا ارنالعان بوس جۇمىس ورىندار جارمەڭكەسى وتەدى

8 شىلدەدە ەلوردانىڭ جاستارى مەن جوو جانە كوللەدج تۇلەكتەرى ءۇشىن بوس جۇمىس ورىندار جارمەڭكەسى ۇيىمداستىرىلادى دەپ حابارلادى turkystan.kz نۇر-سۇلتان اكىمدىگىنىڭ رەسمي سايتىنا سىلتەمە جاساپ.

مىڭعا جۋىق جۇمىس ورنىن كادرلار ىزدەپ جۇرگەن 40-تان استام جۇمىس بەرۋشى ۇسىنادى. بۇل – ونەركاسىپ، تۋريزم جانە ساۋدا سالاسىنداعى ءىرى بيزنەس وكىلدەرى.

جوو تۇلەكتەرىن جۇمىسقا ورنالاستىرۋ ماسەلەسى ءالى دە وزەكتى بولىپ وتىر. بارلىق سەرتيفيكاتتالعان ماماندار ۋنيۆەرسيتەتتى بىتىرگەننەن كەيىن بىردەن جۇمىس تابا المايدى.

«سوندىقتان الداعى جاستار جارمەڭكەسى، بۇل –  وزدەرى قالاعان سالاداعى بوس جۇمىس ورىندارى نارىعىن زەرتتەۋگە جانە بىرنەشە جۇمىس بەرۋشىمەن ءبىر جەردە تىكەلەي سويلەسۋگە تاماشا مۇمكىندىك. ءوز تاراپىنان ىزدەنۋشىلەرگە مۇمكىندىگىنشە وزىمەن بىرگە تۇيىندەمە بايلانىس دەرەكتەرىن الىپ كەلۋى كەرەك»، – دەلىنگەن حابارلامادا.

بوس ورىندار جارمەڭكەسى 8 شىلدە كۇنى ساعات 10:00-دەن 17:00-گە دەيىن رەسپۋبليكا داڭعىلى، 34 مەكەن-جايى بويىنشا ورنالاسقان «جاستار» سارايىنىڭ ءبىرىنشى قاباتىندا وتەدى.

 

ۇقساس جاڭالىقتار

Back to top button