نۇر-سۇلتاندا سۋبۇرقاقتان ەنتەروۆيرۋس انىقتالدى

شومىلۋ ماۋسىمىنىڭ باستالۋىنا بايلانىستى ەلوردادا ەنتەروۆيرۋستىق ينفەكتسيانىڭ ماۋسىمدىق ءوسۋى بايقالادى دەپ حابارلادى turkystan.kz.   

بۇل تۋرالى ەلوردانىڭ باس سانيتار دارىگەرى سارحات بەيسەنوۆا مالىمدەدى.

اتاپ ايتقاندا، سوڭعى ەكى اپتادا نۇر-سۇلتان قالاسى بويىنشا سىرقاتتانۋشىلىق دەڭگەيى 2،6 ەسە وسكەن.

«جالپى، جىل باسىنان بەرى 453 ادام اۋىردى، ونىڭ 52%-ى نەمەسە 234 جاعداي جازعى كەزەڭگە كەلەدى. بالالار، سونداي-اق، يممۋن تاپشىلىعى بار نەمەسە باسقا سىرقات تۇرلەرىنەن السىرەگەن ادامدار بۇل ينفەكتسياعا كوبىرەك بەيىم. جىل باسىنان بەرى تىركەلگەن بارلىق جاعدايلاردىڭ 98% نەمەسە 443-ءى – 14 جاسقا دەيىنگى بالالار. قازىرگى ۋاقىتتا 63 بالا ەم الىپ جاتىر»، – دەپ اتاپ ءوتتى ۆەدومستۆو باسشىسى.

قالانىڭ باس سانيتارى وعان سەبەپ – ەپيدەميالىق ماۋسىمدا بالالار اراسىندا ەنتەروۆيرۋستىق ينفەكتسيانىڭ كوپ تارالۋىنىڭ نەگىزگى سەبەبى، سۋ قويمالارىندا، باسسەيندەر مەن سۋبۇرقاقتاردا شومىلۋ ەكەندىگىن اتادى.

استانالىق سانيتاريالىق-ەپيدەميولوگيالىق باقىلاۋ دەپارتامەنتى ەپيدەميولوگيالىق ماۋسىمدا مامىردان قىركۇيەككە دەيىن زەرتحانالىق زەرتتەۋلەرگە سۋ سىنامالارىن الا وتىرىپ، سۋبۇرقاقتاردىڭ سۋ ساپاسىنا سانيتارلىق-ەپيدەميولوگيالىق مونيتورينگ جۇرگىزەمىز دەپ وتىر.

«زەرتحانالىق زەرتتەۋلەر ناتيجەلەرى بويىنشا سايكەسسىزدىكتەر انىقتالدى: اتاپ ايتقاندا، لايلىلىق بويىنشا رۇقسات ەتىلگەن ءماننىڭ 1،04 – 1،4 ەسە ارتۋى، ەسىل جانە سارىارقا اۋداندارىندا ورنالاسقان سانيتاريالىق-حيميالىق كورسەتكىشتەر بويىنشا فونتان كەشەندەرىنىڭ سۋىندا (قازمۇنايگاز اۋدانىنداعى «كاسكاد» فونتانى، «ۆودنو-زەلەنىي بۋلۆار»، سارىارقا اۋدانى اپپاراتى عيماراتىنىڭ الدىندا)، فونتان كەشەندەرى بويىنشا سايكەسسىزدىك ءى. ەسەنبەرلين كوشەسىندە ورنالاسقان «جاستار» تەاترى الدىنداعى، اباي-جەڭىس داڭعىلدارىنىڭ قيىلىسىندا، جەڭىس-كەنەسارى داڭعىلدارىنىڭ قيىلىسىندا، اۋەزوۆ-دۇكەن ۇلى كوشەلەرىنىڭ قيىلىسىندا، سارىارقا اۋدانى اكىمشىلىگىنىڭ الدىندا ورنالاسقان سۋ بۇرقاقتارىندا انىقتالدى»،  – دەدى سارحات بەيسەنوۆا.

سونداي-اق اباي جانە جەڭىس داڭعىلدارىنىڭ قيىلىسىندا ورنالاسقان سۋبۇرقاقتا ۆيرۋسولوگيالىق كورسەتكىشتەر بويىنشا ەنتەروۆيرۋس رنق-سى انىقتالدى.

وسى جايتتاردى نازارعا الا وتىرىپ، ەلوردانىڭ سانيتاريالىق-ەپيدەميولوگيالىق باقىلاۋ دەپارتامەنتى تۇرعىندارعا بالالاردىڭ دەنساۋلىعىن ساقتاۋ بويىنشا بارلىق شارالاردى قابىلداۋ جانە ولاردىڭ ومىرىنە قاۋىپ توندىرەتىن بارلىق جاعدايلاردىڭ الدىن الۋ قاجەتتىگىن ەسكەرتتى.

ۇقساس جاڭالىقتار

Back to top button