ەلەنا رىباكينا ۋيمبلدوندا US Open چەمپيونىن ۇتتى

قازاقستاننىڭ ءبىرىنشى، الەمنىڭ 23-راكەتكاسى ەلەنا رىباكينا ۋيمبلدون ءتۋرنيرىنىڭ ءۇشىنشى اينالىمىنا شىقتى دەپ حابارلادى turkystan.kz قتف ءباسپاسوز قىزمەتىنە سىلتەمە جاساپ.

قازاقستاندىق تەننيسشى ەكىنشى اينالىمدا الەمنىڭ 56-راكەتكاسى، 2019 جىلعى US Open چەمپيونى، كانادالىق بيانكا اندرەەسكۋمەن كەزدەستى.

ە. رىباكينا ءبىرىنشى پارتيادا 6:4 ەسەبىمەن باسىم ءتۇستى.

ەكىنشى سەتتە تاي-برەيكتە ماتچبولىن ءساتتى پايدالانا ءبىلدى – 7:6 (7:5).

جارتى ساعاتتان استام ۋاقىتقا سوزىلعان باسەكەدە ەلەنا 4 ەيسپەن بىرگە 4 برەيك-پوينتتىڭ ۇشەۋىن ءمۇلت جىبەرمەدى.

ە. رىباكينا ءتورتىنشى اينالىمعا شىعۋ ءۇشىن الەمنىڭ 52-راكەتكاسى، قىتايلىق سينۆەن جەنمەن تالاسادى. ول بەلگيالىق گرەتە ميننەندى جولدان تايدىردى – 6:4، 6:1.

ايتا كەتسەك، بۇعان دەيىن الەمنىڭ 160-راكەتكاسى، قازاقستاندىق ميحايل كۋكۋشكين ۋيمبلدون ءتۋرنيرى ىرىكتەۋ سايىستارىنىڭ فينالىنا شىقانىن، تەننيسشىنىڭ جارىستى ءساتتى باستاعانىن جازعان بولاتىنبىز.

ۋيمبلدون جاسوسپىرىمدەر تۋرنيرىندە تاعى ءبىر قازاقستاندىق تەننيسشى ونەر كورسەتەدى. قازاقستاندىق جاس تەننيسشى ۋيمبلدوندا العاشقى جەڭىسىنە قول جەتكىزدى.

ۇقساس جاڭالىقتار

Back to top button