تۇركيادا مايمىل شەشەگىن جۇقتىرۋ دەرەگى تىركەلدى

تۇركيادا ءبىرىنشى ادام مايمىل شەشەگىن جۇقتىردى. بۇل تۋرالى ەلدىڭ دەنساۋلىق ساقتاۋ ءمينيسترى فاحرەتتين كودجا مالىمدەدى دەپ حابارلادى turkystan.kz.

يممۋنيتەتى السىرەپ كەتكەن 37 جاستاعى پاتسيەنتتەن مايمىل شەشەگى انىقتالدى. قازىر ناۋقاس وقشاۋلاندى. ىندەت جۇقتىرۋشىنىڭ باسقا ادامدارمەن بايلانىسى كەزىندە وزگە جاعداي انىقتالماعان. بۇل اۋرۋ رەسپيراتورلىق تۇرعىدا ەمەس، تىكەلەي بايلانىس ناتيجەسىندە جۇعادى، – دەپ جازدى مينيستر Twitter-دەگى پاراقشاسىندا.

الايدا ول اۋرۋدىڭ قاي قالادا تىركەلگەنىن ناقتىلاپ ايتپادى.

ددسۇ جىل باسىنان بەرى 50 ەلدە مايمىل شەشەگىن جۇقتىرۋدىڭ 3412 زەرتحانالىق راستالعان جاعدايى مەن 1 ءولىم تىركەلگەنى تۋرالى اقپاراتتىق بيۋللەتەن جاريالاعان بولاتىن.

ۇقساس جاڭالىقتار

Back to top button