«13 ميلليون تەڭگە شىعىن كەلدى»: زاڭسىز اڭ اتقان براكونەر ۇستالدى

شىعىس قازاقستان وبلىسىندا براكونەرلىك فاكتىلەرىنىڭ جولىن كەسۋ بويىنشا رەيدتىك شارالار وتۋدە. جىل باسىنان بەرى جابايى اڭداردى زاڭسىز اۋلاۋ بويىنشا 11 فاكتى انىقتالدى دەپ حابارلادى turkystan.kz.

اققوجا اۋىلىنىڭ 38 جاستاعى تۇرعىنى زاڭسىز ارقار مەن كۇزەن اۋلاعان. وقيعا اياگوز اۋدانى تارباعاتاي اۋىلدىق وكرۋگىنىڭ اۋماعىندا بولعان.

براكونەر اڭداردى 28 كاليبرلى تىركەلمەگەن تەگىس ۇڭعىلى قارۋمەن اتقان. قورشاعان ورتاعا 13 ميلليون تەڭگەدەن استام شىعىن كەلگەن.

ءىس جۇزىندە قىلمىستىق كودەكستىڭ 337-بابىنىڭ 4-بولىگى بويىنشا قىلمىستىق ءىس قوزعالدى. ياعني، جانۋارلاردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىن زاڭسىز اۋلاۋ.

«سانكتسيا 6 مىڭ ايلىق ەسەپتiك كورسەتكiشكە دەيiنگi مولشەردە ايىپپۇل سالۋدى نەمەسە سول مولشەردە تۇزەۋ جۇمىستارىنا، نە مۇلكiن تاركiلەۋمەن 3 جىلدان 6 جىلعا دەيiنگi مەرزiمگە باس بوستاندىعىنان ايىرۋدى كوزدەيدى. 7 جىلعا دەيىن بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعى جوق»، – دەلىنگەن شىعىس قازاقستان وبلىسى پوليتسيا دەپارتامەنتى حابارلاماسىندا.

 

ۇقساس جاڭالىقتار

Back to top button