نۇر-سۇلتان مەن الماتى «سارى» ايماققا جاقىن – ەسماعامبەتوۆا

دەنساۋلىق ساقتاۋ ۆيتسە-ءمينيسترى-قازاقستاننىڭ باس سانيتارلىق دارىگەرى ايجان ەسماعامبەتوۆا نۇر-سۇلتان مەن الماتى ەپيدەميولوگيالىق جاعداي بويىنشا «سارى» ايماققا جاقىنداپ كەلە جاتقانىن ايتتى دەپ حابارلادى turkystan.kz.   

ونىڭ ايتۋىنشا، ماۋسىم ايىنىڭ ورتاسىنان باستاپ كوروناۆيرۋس ينفەكتسياسىن جۇقتىرۋ كورسەتكىشتەرىنىڭ ارتىپ كەلە جاتقانى بايقالادى.

«اقىرىن-اقىرىن قارقىن العان COVID-19 جۇقتىرعاندار سانى كۇندەلىكتى 50 جاعدايعا جەتىپ، سوڭعى تاۋلىكتە 110 دەرەك انىقتالدى. ەگەر ءبىر اپتادان كەلەسى اپتاداعى كورسەتكىشتى سالىستىرساق، ءوسىم 3،6 ەسە وسكەن»،– دەدى ايجان ەسماعامبەتوۆا.

سونىمەن قاتار ول ەلدەگى ەپيدەميولوگيالىق جاعداي ناشارلاپ بارا جاتقانىن تاعى دا اتاپ ءوتتى.

«ازىرگە، ءبىز قانداي دا ءبىر قوسىمشا نەمەسە جاڭا شەكتەۋ شارالارىن ەنگىزۋ تۋرالى ماسەلە كوتەرىپ وتىرعان جوقپىز، ويتكەنى بارلىق وڭىرلەر بۇرىنعىسىنشا «جاسىل»، قاۋىپسىز ايماقتا قالىپ وتىر. بىراق نۇر-سۇلتان مەن الماتى ەپيدەميولوگيالىق جاعدايدى باعالاۋ ماتريتساسىنا سايكەس «سارى» ايماققا جاقىنداپ كەلەدى»،– دەدى دەنساۋلىق ساقتاۋ ۆيتسە-ءمينيسترى.

ۇقساس جاڭالىقتار

Back to top button