«نەلەگال - 2022»: قوستانايداعى 18 شەتەل ازاماتى ەلدەن شىعارىلدى

قوستانايلىق پوليتسەيلەر «نەلەگال – 2022» جەدەل-پروفيلاكتيكالىق ءىس-شاراسىنىڭ ەكى كۇنىندە 18 شەتەلدىكتى ەلدەن شىعارىپ، كوشى-قون زاڭناماسىن بۇزۋدىڭ 100-دەن استام فاكتىسىن انىقتادى دەپ حابارلادى turkystan.kz.

كوشى-قون قىزمەتكەرلەرى ەلدە وزبەكستان رەسپۋبليكاسى 32 ازاماتىنىڭ زاڭسىز ەڭبەك ەتىپ جۇرگەنىن انىقتادى.

«قوستاناي وبلىسىنا قاراستى دەنيسوۆ اۋدانىندا رۇقسات قۇجاتتارىنسىز جول جوندەۋ جۇمىستارىن جۇرگىزگەن وزبەكستاننىڭ 13 ازاماتى انىقتالدى. باسقا جاعدايلاردا، وزبەكستان ازاماتتارى بولىپ تابىلاتىن 10 جانە 9 ادام رۋدنىي قالاسىنىڭ سۋ قۇبىرىن جوندەۋ جانە ليساكوۆ قالاسىنداعى قۇرىلىس الاڭىندا زاڭسىز ەڭبەك ەتىپ جۇرگەن. بارلىق جاعدايدا زاڭبۇزۋشىلارعا قاتىستى ماتەريالدار شەشىم شىعارۋ ءۇشىن سوتقا جولداندى. شەتەل ازاماتتارىن جۇمىسقا العان جۇمىس بەرۋشىلەر دە جازالاندى»، – دەيدى ءتارتىپ ساقشىلارى.

پوليتسەيلەر زاڭسىز ميگرانتتاردى انىقتاۋ جۇمىستارىن 4 شىلدەگە دەيىن جالعاستىرادى.

ۇقساس جاڭالىقتار

Back to top button