جەزقازعانداعى جەس-تەن ءورت شىقتى: تۇرعىندار سۋ مەن جارىقسىز قالدى

جەزقازعاندا جىلۋ ەلەكتر ستانتسياسىنداعى (جەس) ءورت سالدارىنان ەلەكتر قۋاتى مەن سۋ بەرۋ اپاتتى تۇردە توقتاتىلدى  دەپ حابارلادى turkystan.kz.   

جەس-تەگى ءورت شامامەن ءبىر ساعات بۇرىن شىققان. توتەنشە جاعدايعا بايلانىستى قالادا ەلەكتر جارىعى مەن اۋىز سۋ جوق.

«جەزقازعان قالاسىندا جەس-تە بولعان توتەنشە جاعدايعا بايلانىستى ەلەكتر جارىعى مەن سۋىق اۋىز سۋ بەرۋ ءۇزىلدى. ءورت ءسوندىرۋ قىزمەتى ءورتتى سوندىرۋگە كىرىستى. نىساندا ۇلىتاۋ وبلىسى اكىمىنىڭ ورىنباسارى ۇلانتاي ۇسەنوۆ باستاعان وبلىس، قالا اكىمدىگىنىڭ وكىلدەرى، سونداي-اق «قازاقمىس» كورپوراتسياسىنىڭ وكىلدەرى ءجۇر. وقيعانىڭ سەبەپتەرى انىقتالىپ جاتىر»، – دەدى جەزقازعان اكىمدىگى.

بۇل رەتتە جەزقازعان تۇرعىندارى قالادا ەلەكتر قۋاتى ءجيى ۇزىلەتىنىنە شاعىمدانىپ جاتىر. سالدارىنان كوپكە دەيىن سۋ دا بولمايدى.

«بۇل ماسقارا قاشان توقتايدى، ءبىر كۇن سايىن اپات»، – دەپ جازىپ جاتىر تۇرعىندار الەۋمەتتىك جەلىدە.

ۇقساس جاڭالىقتار

Back to top button