بقو كولونياسىندا ەكى جۇپ وتباسىن قۇردى

بقو-دا كولونيادا جازاسىن وتەپ جاتقان ەكى بىردەي جۇپ وتباسىن قۇردى، دەپ حابارلادى turkystan.kz Polisia.kz-كە سىلتەمە جاساپ.

وتباسىن قۇرۋ – ومىردەگى ەڭ ماڭىزدى شەشىمدەردىڭ ءبىرى. ءبىرىن-ءبىرى سۇيگەن ەكى جۇرەكتىڭ قوسىلۋىنا ەشتەڭە كەدەرگى بولا المايدى. وعان دالەل – تەرگەۋ يزولياتورى قابىرعاسىندا وتكەن نەكە قيۋ سالتاناتى.

ەكى بىردەي جاس جۇپ وتاۋ قۇردى. ولار – سوتتالۋشى ن. مەن ونىڭ جۇبايى ك.، سونداي-اق تەرگەۋ كەزىندە تۇتقىنعا الىنعان م. مەن ونىڭ جۇبايى گ.

«بوستاندىقتا جۇرگەندە رەسمي نەكەگە تۇرۋدىڭ ماڭىزدىلىعى جايلى ويلانباۋشى ەدىم، ال مۇندا ءجۇرىپ ومىردەگى ەڭ ماڭىزدىسى وتباسى ەكەنىن ءتۇسىندىم»، – دەدى سوتتالۋشى ن.

«مەكەمە اكىمشىلىگىنە العىسىم شەكسىز. ولاردىڭ تاراپىنان وسىنشالىقتى كومەك پەن قولداۋ بولادى دەپ كۇتپەدىم. بارلىعىن جەدەل تۇردە ۇيىمداستىرعان زاڭگەر مەن تاربيەشىلەر بولماسا، بارلىق قۇجاتتاردى تەز ارادا راسىمدەي الماس ەدىك. مەكەمە باسشىسى مەن قىزمەتكەرلەرگە ۇلكەن العىس بىلدىرەمىن»، – دەدى ازاماتشا ك.

ۇقساس جاڭالىقتار

Back to top button