وڭتۇستىك افريكاداعى تۇنگى كلۋبتا 22 ادام قايتىس بولدى

وڭتۇستىك افريكا بيلىگى ءۇندى مۇحيتىنىڭ جاعاسىندا ورنالاسقان شىعىس لوندون قالاسىنداعى تۇنگى كلۋبتا ءمايىتى تابىلعان 22 ادام ءولىمىنىڭ سەبەبىن انىقتاۋعا كىرىستى دەپ حابارلادى turkystan.kz BBC News-كە سىلتەمە جاساپ.

فرانس پرەسس حابارلاعانداي، قازا تاپقانداردىڭ دەنەسىنەن زورلىق-زومبىلىقتىڭ ەشقانداي ءىزى تابىلماعان. اگەنتتىكتىڭ مالىمەتىنشە، ولاردىڭ جاسى 18-دەن 20 جاسقا دەيىن، ال كەيبىرەۋلەرى ءتىپتى 15 جاستا ەكەنى بەلگىلى بولدى.

تابىلعان مارقۇمداردىڭ دەنەلەرى توكسيكولوگيالىق ساراپتاما جۇرگىزۋ ءۇشىن مايىتحانالارعا جەتكىزىلدى، سول ارقىلى بيلىك كلۋبقا كەلۋشىلەردىڭ نەدەن قايتىس بولعانىن انىقتايدى.

جەرگىلىكتى شەنەۋنىكتىڭ ايتۋىنشا، وسى ءتۇنى كلۋبتا وقۋ جىلىنىڭ اياقتالۋى مەن ەمتيحان تاپسىرۋدى اتاپ وتكەن كوپتەگەن ورتا مەكتەپ وقۋشىلارى بولعان.

ۇكىمەت باسشىسى وسكار مابۋيانە قايعىلى جاعدايدىڭ سەبەپتەرىن ءالى بەلگىسىز ەكەنىن، دەگەنمەن الكوگولدى شەكسىز تۇتىنۋدىڭ سالدارى بولۋى مۇمكىن ەكەنىن ايتتى.

جەرگىلىكتى بيلىك وكىلى قايعىلى جاعدايعا ۋلانۋدىڭ سەبەپ بولماعانىن دا العا تارتتى.

ۇقساس جاڭالىقتار

Back to top button