ورالدا جانتۇرشىگەرلىك اپات بولدى: كامەلەت جاسقا تولماعان بالا قازا تاپتى

ورالدا جول اپاتى بولىپ، كامەلەت جاسقا تولماعان بالا قازا تاپتى دەپ حابارلادى turkystan.kz «موي گورود» سايتىنا سىلتەمە جاساپ. 

جول-كولىك وقيعاسى 26 ماۋسىمعا قاراعان ءتۇنى ساعات 00:40-تا شولوحوۆ پەن قۇرمانعاليەۆ كوشەلەرىنىڭ قيىلىسىندا بولعان. بقو پد ءباسپاسوز قىزمەتىنىڭ حابارىنا قاراعاندا، Toyota شاعىن اۆتوبۋسى جول جيەگىندە تۇرعان Scooter مەن ۆاز-2110 كولىگىنە سوقتىعىسقان.

«اپات سالدارىنان بەس ادام اۋرۋحاناعا جەتكىزىلدى. سكۋتەر جولاۋشىسى – 17 جاستاعى ءجاسوسپىرىم جانساقتاۋ بولىمىندە كوز جۇمدى. سكۋتەر جۇرگىزۋشىسى كوپتەگەن جاراقاتپەن اۋرۋحاناعا جاتقىزىلدى. جەڭىل كولىك جولاۋشىلارى دارىگەرلەردىڭ تەكسەرۋىنەن كەيىن ۇيىنە جىبەرىلدى. مەديتسينالىق ساراپتاما قورىتىندىسىنا سايكەس، شاعىن اۆتوبۋس جۇرگىزۋشىسى ساۋ بولعان. جول-كولىك وقيعاسىنىڭ الدىن الا سەبەبى – شاعىن اۆتوبۋس جۇرگىزۋشىسى كولىكتى باسقارىپ كەلە جاتىپ ۇيالى تەلەفونىنا الاڭداپ كەتكەن»، – دەدى پوليتسيا قىزمەتكەرلەرى.

قر قىلمىستىق كودەكسىنىڭ 345-بابى («جول ءجۇرۋ ەرەجەسىن بۇزۋ») بويىنشا سوتالدى تەرگەۋ باستالىپ، بارلىق قاجەتتى ساراپتاما تاعايىندالدى.

ۇقساس جاڭالىقتار

Back to top button