باتىس قازاقستاندا تىرىسقاق اۋرۋى تارالىپ جاتىر

باتىس قازاقستاندا وزەندەردەن تىرىسقاق قوزدىرعىشى تابىلدى. بۇل جاعىمسىز جاڭالىقتى جەرگىلىكتى سانيتار دارىگەرلەر راستادى دەپ حابارلادى turkystan.kz كتك ارناسىنا سىلتەمە جاساپ.

جاز ماۋسىمى باستالعالى بەرى وڭىردەگى وزەن-كولدەردەن الىنعان 73 سىنامانىڭ 14-ىندە تىرىسقاق دەرتىنىڭ تاياقشالارى تابىلعان. بىراق، بۇل كەسەلدەن كەلەر قاۋىپ جوق دەپ وتىر ماماندار. ويتكەنى وزگە دە جۇقپالى اۋرۋلار سياقتى بۇل ىندەتتىڭ دە كوپتەگەن شتاممى بار. سۋدان تابىلعان تىرىسقاقتىڭ تاياقشالارىنان تەك ءىش وتەدى ەكەن. سوندىقتان، دارىگەرلەر تۇرعىنداردى دۇرلىكپەۋگە شاقىرادى. دەسە دە تازالىققا اسا ءمان بەرىپ، وزەن-كولگە شومىلعاندا سۋ جۇتىپ قويماۋ كەرەكتىگىن ايتتى. ازىرگە، وبلىستا كەسەل جۇقتىرعان ناۋقاس تىركەلمەگەن.

 «بۇل تاياقشالار وبلىستاعى اشىق سۋ كوزدەرىنىڭ بارلىعىندا كەزدەسەدى. جىل سايىن تىركەلەدى. سوندىقتان، تۇرعىندارعا قايناتىلعان بولماسا بوتەلكەدەگى سۋدى ىشۋگە كەڭەس بەرەمىز. دارەتحاناعا بارعان سوڭ مىندەتتى تۇردە قولدى جۋ قاجەت. جۇقپالى دەرت لاس جەردەن جۇعاتىنىن ەستەن شىعارماعان ءجون»، – دەدى بقو سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆ.

ۇقساس جاڭالىقتار

Back to top button