4%-دىق اۆتونەسيە بويىنشا 2 بانك قانا ءوتىنىش قابىلدايدى

يندۋستريالىق دامۋ قورى 4 پايىزدىق جەڭىلدەتىلگەن اۆتونەسيە باعدارلاماسىن قارجىلاندىرۋ تۋرالى ايتتى دەپ حابارلادى turkystan.kz Tengrinews.kz سايتىنا سىلتەمە جاساپ.

قور ەۋرازيالىق بانك پەن قازاقستان حالىق بانكىنە جەڭىلدەتىلگەن اۆتونەسيەلەردى قارجىلاندىرۋ باعدارلاماسى بويىنشا كەزەكتى ترانشتاردى ءبولۋ تۋرالى حابارلادى.

بولىنگەن ليميتتەر مولشەرى:

  • «ەۆرازيالىق بانك» اق – 10 ميلليارد تەڭگە;
  • «قازاقستان حالىق بانكى» اق – 7،5 ميلليارد تەڭگە.

باعدارلاما بويىنشا قاتىسۋشى بانكتەرگە بارلىعى 90 ميلليارد تەڭگە اۋدارىلعان.

«بۇگىندە قاتىسۋشى بانكتەر جالپى سوماسى 82 ميلليارد تەڭگەگە 10 888 ءوتىنىمدى ماقۇلداپ، 4 847 اۆتوكولىك بەردى. جالپى سوماسى 90 ميلليارد تەڭگەنىڭ بولىنبەگەن ءليميتى – 8 ميلليارد تەڭگە.

وسى سوما شەگىندە اۆتونەسيە الۋعا ءوتىنىشتى تەك «ەۋرازيالىق بانك» اق مەن «قازاقستان حالىق بانكى» اق قابىلدايدى. باعدارلاماعا قاتىسۋشى قالعان بانكتەر بولىنگەن ليميتتەردى تولىق يگەردى»، دەلىنگەن حابارلامادا.

ۇقساس جاڭالىقتار

Back to top button