رەسەي ءجۋرناليسى نوبەل سىيلىعىن رەكوردتىق باعاعا ساتىپ جىبەردى

رەسەيلىك جۋرناليست دميتري مۋراتوۆ نوبەل سىيلىعىن اۋكتسيونعا شىعارىپ، 103،5 ملن دوللارعا ساتىپ جىبەردى. ونىڭ نوبەل مەدالى Heritage Auction ءباسساۋداسىندا رەكوردتىق باعاعا ءوتتى دەپ جازادى دەپ حابارلادى turkystan.kz ريا-نوۆوستي سايتىنا سىلتەمە جاساپ.

لوتتىڭ باستاپقى باعاسى 550 مىڭ دوللاردى قۇرادى.

«بۇگىنگى ءباسساۋدادان تۇسكەن قاراجاتتىڭ بارلىعىن يۋنيسەف-كە بەرەمىز»، – دەپ حابارلادى مۋراتوۆ اۋكتسيون باستالار الدىندا.

ونىڭ ايتۋىنشا، اتالعان ۇيىم ول قاراجاتتى پولشا، رەسەي، گەرمانيا، مولداۆيا، سلوۆەنيا، چەحيا مەن ۆەنگرياداعى بوسقىن بالالارعا كومەكتەسۋگە جۇمسايدى.

ەگەر يۋنيسەف سونداي شەشىم قابىلداسا جانە قوماقتى سوما جيناي الساق، ولار اقشانىڭ ءبىر بولىگىن افريكا مەن لاوستاعى بوسقىن بالالارعا دا بەرەدى، – دەپ مالىمدەدى جۋرناليست.

باسساۋداعا شىعارىلعان نوبەل مەدالىن ساتىپ الۋعا نيەتتى ادام بىرنەشە مينۋتتان كەيىن بىردەن تابىلعان. تەلەفون ارقىلى حابارلاسقان بەلگىسىز ساتىپ الۋشى 103،5 ملن دوللار بەرۋگە ءازىر ەكەنىن جەتكىزگەن.

نوبەل سىيلىعىن دميتري مۋراتوۆ پەن فيليپپيندىك جۋرناليست ماريا رەسسا 2021 جىلى  «دەموكراتيا مەن بەيبىتشىلىك ورناتۋ ءۇشىن باستى شارت بولىپ تابىلاتىن ءوزىن-ءوزى كورسەتە الۋ مۇمكىندىگى مەن ءسوز بوستاندىعىن قورعاۋعا» قوسقان ۇلەسى ءۇشىن يەلەنگەن ەدى. مەدالدى اۋكتسيون ارقىلى ساتقىسى كەلەتىن نيەتىن مۋراتوۆ ناۋرىز ايىندا مالىمدەدى.

ۇقساس جاڭالىقتار

Back to top button