الماتى قالاسى دەنساۋلىق ساقتاۋ باسقارماسىنىڭ باسشىسى قىزمەتىنەن كەتتى

الماتى قالاسى دەنساۋلىق ساقتاۋ باسقارماسىنىڭ باسشىسى قىزمەتىنەن كەتتى ناريمان تابىنباەۆ باسقا قىزمەتكە اۋىسۋىنا بايلانىستى قىزمەتىنەن كەتتى دەپ حابارلادى turkystan.kz Stan.kz اقپارات اگەنتتىگىنە سىلتەمە جاساپ.

ول ورتالىق قالالىق كلينيكالىق اۋرۋحانانىڭ باس دارىگەرى لاۋازىمىنا تاعايىندالعان. بۇل اقپاراتتى الماتى قالاسى اكىمدىگى راستادى.

ناريمان تابىنباەۆ الماتى قالاسىنىڭ قوعامدىق دەنساۋلىق ساقتاۋ باسقارماسىن 2020 جىلدىڭ جەلتوقسان ايىنان باستاپ باسقاردى.

ناريمان تابىنباەۆ 1961 جىلى 23 اقپاندا تۋعان. الماتى مەملەكەتتىك مەديتسينا ينستيتۋتىن، قازاق ينجەنەرلىك-تەحنيكالىق اكادەميانى تامامداعان.

پروفەسسور، مەديتسينا عىلىمدارىنىڭ دوكتورى.

ەڭبەك جولىن 1985 جىلى قىزىلوردا وبلىسىنىڭ ورتالىق اۋداندىق اۋرۋحاناسىندا بالالار حيرۋرگى بولىپ باستاعان. 1988-1994 جىلدارى ەندوسكوپيا ءبولىمىنىڭ مەڭگەرۋشىسى، قىزىلوردا قالاسىنداعى وبلىستىق اۋرۋحانا باس دارىگەرىنىڭ دياگنوستيكالىق ورتالىعى بويىنشا ورىنباسارى بولىپ جۇمىس ىستەگەن.

1994-1997 جىلدارى الماتى وبلىسىنىڭ ورتالىق اۋداندىق اۋرۋحاناسى باس دارىگەرىنىڭ ەمدەۋ جۇمىسى جونىندەگى ورىنباسارى بولدى.

1997-2002 جىلدارى ۋرولوگيا عىلىمي ورتالىعىندا عىلىمي قىزمەتكەر، اعا عىلىمي قىزمەتكەر، ءبولىم مەڭگەرۋشىسى، باس دارىگەر بولىپ جۇمىس ىستەدى.

2008-2014 جىلدارى قىزىلوردا قالاسىنداعى وبلىستىق مەديتسينالىق ورتالىقتىڭ ديرەكتورى، ۋرولوگيا عىلىمي ورتالىعىنىڭ ديرەكتورى قىزمەتتەرىن اتقاردى.

2014-2015 جىلدارى ەلورداداعى «ۇلتتىق مەديتسينالىق حولدينگ» اق باسقارما توراعاسىنىڭ ورىنباسارى بولدى.

2015-2018 جىلدارى استاناداعى ۇلتتىق عىلىمي ونكولوگيا جانە ترانسپلانتولوگيا ورتالىعىنىڭ ديرەكتورى بولىپ جۇمىس ىستەدى.

2019-2020 جىلدارى Fox Chase Cancer Center (Philadelphia، اقش)، University of Minnesota (Minneapolis، اقش) تاعىلىمدامادان ءوتتى.

2018-2020 جىلدارى قالالىق قوعامدىق دەنساۋلىق ساقتاۋ باسقارماسى «ورتالىق قالالىق كلينيكالىق اۋرۋحاناسى» شجق مكك ديرەكتورى قىزمەتىن اتقاردى.

 

ۇقساس جاڭالىقتار

Back to top button