ەلوردادا مۇعالىمدەر جەتىسپەيدى

نۇر-سۇلتان قالاسىندا بىرنەشە ءپان بويىنشا ساباق بەرەتىن مۇعالىمدەر جەتىسپەيدى دەپ حابارلادى turkystan.kz.

بۇل تۋرالى ەلوردا اكىمدىگىندە وتكەن قوعامدىق كەڭەس وتىرىسىندا بەلگىلى بولدى.

«مەكتەپتەردە نەگىزىنەن ورىس تىلىندە وقىتاتىن باستاۋىش سىنىپ مۇعالىمدەرى – 2 720 مامان، ورىس ءتىلى مەن ادەبيەتى ءپانى مۇعالىمى – 680 مامان، ماتەماتيكا مۇعالىمى– 1 020، اعىلشىن ءتىلى – 1 360، ورىس تىلىندە وقىتاتىن حيميا جانە بيولوگيا مۇعالىمدەرى – 340 مامان قاجەت. سونىمەن قاتار ارنايى ءبىلىمى بار مەكتەپكە دەيىنگى مەكەمەلەرگە 1 656 تاربيەشى كەرەك»، – دەدى قالالىق ءبىلىم باسقارماسىنىڭ باسشىسى قاسىمحان سەنعازيەۆ.

سونىمەن قاتار باسقارما باسشىسى استانادا مەديتسينا ماماندارىن دايارلاۋ بويىنشا 240 ءوتىنىشتىڭ كەلىپ تۇسكەنىن ايتتى.

«وتىنىشكە سايكەس قالامىزعا وتباسىلىق مەديتسينا بويىنشا 78 مامان، پەدياتريا – 14، اكۋشەريا جانە گينەكولوگيا – 17، ەرەسەكتەر مەن بالالاردىڭ انەستەزيولوگياسى جانە رەانيماتولوگياسى – 15، فيزيكالىق مەديتسينا جانە وڭالتۋ – 15 جانە باسقا دا ماماندار دايارلاۋ قاجەت. سونداي-اق، دەنە شىنىقتىرۋ جانە سپورت باسقارماسىنىڭ ءوتىنىشى بويىنشا 50 مامان دايارلاۋ قاجەتتىگى تۋىنداپ وتىر. سول سەكىلدى ءدىن ىستەرى باسقارماسىنان 15 ورىن بەلگىلەندى. ونىڭ ىشىندە يسلامتانۋ، ءدىنتانۋ ماماندارىن ازىرلەۋ قاجەت»، – دەدى ول.

ۇقساس جاڭالىقتار

Back to top button