«ءوزىمدى ۇستاي الماي قالدىم»: قالىڭدىعىن ۇرعان ەر ادامعا سوت شەشىمى شىقتى

وزبەكستاندا قالىڭدىعىن ۇرىپ جىبەرگەن ەر ادامدى سوت جازالامايتىن بولدى دەپ حابارلادى turkystan.kz tengrinews.kz-كە سىلتەمە جاساپ.

اكىمشىلىك ءىس «ۇساق بۇزاقىلىق» بابى بويىنشا اشىلدى. سوت ايەلدىڭ شاعىمدارى مەن نارازىلىعىنىڭ بولماۋىنا بايلانىستى جازا قولدانبادى.

ەر ادام كەشىرىم سۇراپ، مۇندايدى ەندى قايتالاماۋعا ۋادە بەردى. 

«ءوزىمدى ۇستاي الماي قالدىم. ماسەلە شەشىلدى، ۇيلەنۋ تويى جالعاستى. مەن قالىڭدىعىمنان كەشىرىم سۇرادىم. ەندى بۇل قايتالانبايدى»، – دەدى ول.

جۇپ ءبىر جىل بۇرىن اتاستىرىلعان ەكەن. ولار 10 مامىردا احاج-عا ءوتىنىش بەرىپ، نەكە تۋرالى كۋالىگىن 15 ماۋسىمدا، ۇيلەنۋ تويىنان 9 كۇن وتكەن سوڭ العان.

قالىڭدىقتىڭ اناسى تەلەارناعا بەرگەن سۇحباتىندا كۇيەۋبالانىڭ تۋىستارىنان كەشىرىم العاننان كەيىن ۇيلەنۋ تويى جالعاسقانىن ايتتى.

ەسكە سالساق، وزبەكستاندا كۇيەۋ جىگىت ۇيلەنۋ تويىندا كونكۋرستان جەڭىلىپ قالىپ، قالىڭدىعىن ۇرىپ-سوققان بولاتىن. وقيعانىڭ ۆيدەوسى الەۋمەتتىك جەلىلەردە كەڭىنەن تاراپ كەتكەن. 

ۇقساس جاڭالىقتار

Back to top button