ۇلىتاۋدا ۇلتتىق قۇرىلتاي باستالدى

ۇلىتاۋ وڭىرىندە ۇلتتىق قۇرىلتايدىڭ العاشقى وتىرىسى باستالدى. جيىنعا مەملەكەت باسشىسى قاسىم-جومارت توقاەۆ قاتىسىپ وتىر دەپ حابارلادى turkystan.kz.

القالى وتىرىستى جاڭادان قۇرىلعان – ۇلىتاۋ وبلىسى ۇلىتاۋ اۋدانىندا وتكىزۋ تۋرالى شەشىم 6 ماۋسىمدا شىعارىلدى.

ال ۇلتتىق قۇرىلتاي كەشە مقر پرەزيدەنتى جانىنان مەملەكەت باسشىسىنىڭ جارلىعىمەن قۇرىلدى.

ۇلتتىق قوعامدىق سەنىم كەڭەسىنىڭ ورنىنا ۇلتتىق قۇرىلتاي ينستيتۋتىنىڭ قۇرىلاتىنى تۋرالى پرەزيدەنت قاسىم-جومارت توقاەۆ 16 ناۋرىزداعى حالىققا جولداۋىندا ايتقان ەدى. قۇرىلتايدىڭ قۇرامى كەڭەستەن دە اۋقىمدى. ونىڭ قۇرامىنا ءماجىلىس دەپۋتاتتارى مەن قحا مۇشەلەرى، ازاماتتىق قوعام مەن ساياسي پارتيا وكىلدەرى، ساراپشىلار مەن وڭىرلەردەگى قوعامدىق كەڭەس مۇشەلەرى، كاسىپكەرلەر سىندى بارلىعى 117 ادام كىرىپ وتىر.

ايتا كەتسەك، ولاردىڭ قاتارىندا اقىن مۇحتار شاحانوۆ، قازاقتىڭ تۇڭعىش عارىشكەرى توقتار اۋباكىروۆ، اكادەميك اسقار جۇمادىلداەۆ، ەكونوميست جاقسىبەك كۇلەكەەۆ، ساياساتكەر ءاليحان بايمەنوۆ، جۋرناليست، مەديا-مەنەدجەر، قوعام قايراتكەرى ەرمۇرات ءباپي، پارلامەنتتىڭ بىرنەشە شاقىرىلىمىنىڭ دەپۋتاتى نۇرتاي سابيليانوۆ، بالۋان داۋلەت تۇرلىحانوۆ، عالىم-بيوتەحنولوگ كۇنسۇلۋ زاكاريا، ءدىنتانۋشى قايرات جولدىباي، عالىم انار فازىلجانوۆا بار.

ۇقساس جاڭالىقتار

Back to top button