نۇر-سۇلتانداعى اۋەجاي تۇندە عانا جۇمىس ىستەيتىن بولادى

كەلەسى ايدان باستاپ نۇر-سۇلتانداعى حالىقارالىق اۋەجايدىڭ ۇشۋ-قونۋ جولاعىن جوندەۋ جۇمىستارى باستالادى. وسىعان بايلانىستى ۇشاقتار تۇندە عانا قونا الادى دەپ حابارلادى turkystan.kz Sputnik قازاقستان سايتىنا سىلتەمە جاساپ.

ازاماتتىق اۆياتسيا كوميتەتى تاراتقان مالىمەتكە سايكەس، جوندەۋ جۇمىستارى 15 شىلدە مەن 8 تامىز ارالىعىندا كۇندىز جۇرگىزىلەدى.

ال تۇندە رەيستەردى قابىلداۋ جانە ۇشىرۋ شارالارى اتقارىلادى.

«15 شىلدە مەن 8 تامىز ارالىعىندا ساعات 11:00-دەن باستاپ 18:00-گە دەيىن نۇر-سۇلتانداعى اۋەجايدا ۇشۋ-قونۋ جولاعىن جوندەۋ جۇمىستارى جۇرگىزىلەدى»، – دەلىنگەن رەسمي حابارلامادا.

كوميتەت ماماندارىنىڭ ايتۋىنشا، اقپان ايىندا اۋە كومپانيالارىنا ءتيىستى اقپارات بەرىلدى. وسىدان كەيىن ۇشۋ-قونۋ جولاعىن جوندەۋ جۇمىستارىنا قاراي رەيستەردىڭ كەستەسىنە تۇزەتۋ ەنگىزىلدى.

سونداي-اق مەملەكەتتىك كۇزەت قىزمەتى مەن «بۇركىت» اۋە كومپانياسىنا اقپارات بەرىلدى. وسى ۇيىم مەملەكەت باسشىسىنا قىزمەت كورسەتەدى.

ۇقساس جاڭالىقتار

Back to top button