ەلوردادا جالعا بەرىلەتىن تۇرعىن ءۇي الۋعا وتىنىمدەر قابىلداۋ باستالادى

ەلوردالىق تۇرعىن ءۇي ورتالىعى «حالىقتىڭ الەۋمەتتىك جاعىنان وسال توپتارى» ساناتى ءۇشىن ساتىپ الۋ قۇقىعىنسىز جالعا بەرىلەتىن تۇرعىن ۇيگە قۇجاتتاردى قابىلداۋ باستالعانى تۋرالى جاريالادى دەپ حابارلادى turkystan.kz قالا اكىمدىگىنىڭ رەسمي سايتىنا سىلتەمە جاساپ.

باعدارلاما اياسىندا ە 509 كوشەسى، 7-ءۇي; تىلەنديەۆ داڭعىلى، 44ا ءۇي; شاقا ۇلى كوشەسى، 7-ءۇي مەكەنجايلارىندا ورنالاسقان 117 پاتەر بەرىلەدى.

حالىقتىڭ الەۋمەتتىك جاعىنان وسال توپتارىنا كەلەسى ساناتتار جاتادى:

1) ۇوس ارداگەرلەرى;
2) جەڭىلدىكتەر بويىنشا ۇوس ارداگەرلەرىنە تەڭەستىرىلگەن ارداگەرلەر;
3) باسقا مەملەكەتتەر اۋماعىنداعى ۇرىس قيمىلدارىنىڭ ارداگەرلەرى;
4) 1 جانە 2-توپتاعى مۇگەدەكتەر;
5) مۇگەدەك بالالارى بار نەمەسە ولاردى تاربيەلەپ وتىرعان وتباسىلار;
6) كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار;
7) جاسىنا بايلانىستى زەينەتكەرلەر;
8) جەتىم بالالار;
9) قانداس;
10) ەكولوگيالىق ءزىلزالالار سالدارىنان تۇرعىن ۇيىنەن ايىرىلعان ادامدار;
11) قىزمەتتىك مىندەتتەرىن اتقارۋ كەزىندە قازا تاپقان (قايتىس بولعان) ادامداردىڭ وتباسىلارى;
12) تولىق ەمەس وتباسىلار.

«جەتىم بالالار» ساناتىنا 35 پاتەر بولىنەدى، ونىڭ 9-ى ءبىر بولمەلى، 19-ى ەكى بولمەلى، 7-ەۋى ءۇش بولمەلى.
قالعان «حالىقتىڭ الەۋمەتتىك جاعىنان وسال توپتارى» ساناتى ءۇشىن:

– 20 ءبىر بولمەلى پاتەر;
– 46 ەكى بولمەلى پاتەر;
– 16 ءۇش بولمەلى پاتەر;

جالعا بەرىلەتىن پاتەرلەر ۇزارتۋ قۇقىعىمەن بەس جىل مەرزىمگە بەرىلەدى. باسقاشا ايتقاندا، جالداۋ شارتىن ءار بەس جىل سايىن ۇزارتۋعا بولادى.
اي سايىنعى جالداۋ اقىسى 7 000 تەڭگەدەن 22 000 تەڭگەگە دەيىن.

قۇجاتتاردى قابىلداۋ 18 ماۋسىم ساعات 9:00-دەن 24 ماۋسىم ساعات 23:59-عا دەيىن جۇزەگە اسىرىلادى.
قاتىسۋ شارتتارى: «حالىقتىڭ الەۋمەتتىك جاعىنان وسال توپتارى» نەمەسە «جەتىم بالالار» ساناتى بويىنشا نۇر-سۇلتان قالاسىندا تۇرعىن ءۇي كەزەگىندە تۇرۋ.

«قاتىسۋعا وتىنىمدەردى كەزەككە تۇرعان بارلىق جىلدارداعى (2006-2022) ازاماتتار بەرە الادى. الايدا قاتىسۋعا ءوتىنىم بەرگەندەردىڭ اراسىندا كەزەككە تۇرعان 2009-2010 جىلدارداعىلارعا ءىس جۇزىندە وتۋگە مۇمكىندىكتەرى كوبىرەك»، – دەلىنگەن تۇرعىن ءۇي ورتالىعى تاراتقان حابارلامادا.

قۇجاتتاردى قابىلداۋ qatysu.zhilfond.kz پورتالى ارقىلى ەلەكتروندىق فورماتتا عانا جۇرگىزىلەدى.

ءوتىنىم بەرۋ ءۇشىن:

1) ەتسق كىلتى;
2) قر بويىنشا جىلجىمايتىن م ۇلىكتىڭ بولماۋى نەمەسە بولۋى تۋرالى انىقتامانىڭ سكانەرلەنگەن نۇسقاسى وتباسىنىڭ بارلىق مۇشەلەرىنە بەرىلەدى;
3) بالالاردىڭ تۋ تۋرالى كۋالىكتەرىنىڭ سكانەرلەنگەن نۇسقاسى/وتباسى مۇشەلەرىنىڭ جەكە كۋالىگى (بار بولسا);
4) نەكە قيۋ/نەكەنى بۇزۋ/اكە بولۋدى انىقتاۋ تۋرالى كۋالىكتىڭ سكانەرلەنگەن نۇسقاسى/ №4 نىسان/ قايتىس بولۋ تۋرالى كۋالىك (بولعان جاعدايدا);
5) جىلجىمايتىن م ۇلىكتىڭ قۇقىق بەلگىلەيتىن قۇجاتتارىنىڭ سكانەرلەنگەن نۇسقاسى (بار بولسا);
6) مۇگەدەكتىك تۋرالى انىقتامانىڭ سكانەرلەنگەن نۇسقاسى (بار بولسا);
7) سوزىلمالى اۋرۋدىڭ تولىق اتاۋى، جەكە بولمەگە مۇقتاجدىعى جانە بەلگىلى ءبىر قاباتى (بار بولسا) كورسەتىلگەن سوزىلمالى اۋرۋدىڭ مەديتسينالىق قورىتىندىسىنىڭ سكانەرلەنگەن نۇسقاسى.

وتىنىمدەردى قاراۋ ناتيجەسى تۋرالى كەيىنىرەك zhilfond.kz جانە www.gov.kz سايتتارىندا، تۇرعىن ءۇي ورتالىعىنىڭ الەۋمەتتىك جەلىلەرىندە جاريالانادى.

 

ۇقساس جاڭالىقتار

Back to top button