وزبەكستاندا قازاق ۇلتتىق ورتالىعىنىڭ جيىنى ءوتتى

9-10 ماۋسىم ارالىعىندا وزبەكستان مەملەكەتىندە «وزبەكستان – باقىتتى ۇلتتار مەكەنى» اتتى رەسپۋبليكالىق قازاق ۇلتتىق ورتالىعىنىڭ 30 جىلدىق مەرەيتويى ءوتتى.

شارا وزبەكستان رەسپۋبليكاسى تاۋەلسىزدىك العاننان قازىرگى كۇنگە دەيىن كوپتەگەن ۇلتتىڭ ءبىر اسپان استىندا بەيبىت ءومىر سۇرۋىنە جاعداي جا­ساپ، «ەتنيك» سوزىنە لايىقتى دامىتۋ مەن ۇلتارا­لىق قاتىناستاردى نىعايتۋدا 30 جىل ءىشىن­دە جاسالعان جۇمىستارمەن تانىستىرۋ ماق­ساتىندا ۇيىمداستىرىلدى.
مەرەيتويعا وزبەكستان رەسپۋبليكاسى مي­نيسترلەر كابينەتى قۇزىرىنداعى ۇلتارا­لىق قاتىناستار جانە شەت مەملەكەتتەرمەن دوس­تىق بايلانىستارى كوميتەتىنىڭ توراعاسى رۋس­تام­بەك كۋربانوۆ، قازاقستاننىڭ ءوز­بەك­ستان­داعى توتەنشە جانە وكىلەتتى ەلشىسى دار­حان ساتىبالدى، وزبەكستانداعى رەسپۋب­لي­كالىق قازاق مادەني ورتالىعىنىڭ باسشىسى سەرىك ۇسەنوۆ، «وتانداستار قورى» قەاق پرەزي­دەن­تى ابزال ساپاربەك ۇلى مەن وزبەكستان اي­ما­عىنداعى بارلىق اۋدانداعى قازاق مادەني ور­تالىقتارىنىڭ باسشىلارى، وزبەكستاندا تۇرا­تىن وزگە ۇلت ورتالىقتارىنىڭ وكىلدەرى قاتىس­تى.
بۇل ماڭىزدى شارا قازاقتىڭ قارلىعاش ءبيى تولە ءبيدىڭ جاتقان جەرىنە زيارات ەتىپ، قۇران باعىشتاۋدان باستاۋ الدى.
مىرزا ۇلىقبەك اتىنداعى وزبەكستان ۇلت­تىق ۋنيۆەرسيتەتىندە ورتالىقتىڭ 30 جىل­دى­عىنا ارنالعان: «وزبەكستان قازاقتارى: ەكونو­مي­كا، عىلىم جانە مادەنيەت» اتتى عىلىمي-تاجىريبەلىك كونفەرەنتسيا ۇيىم­داس­تىرىل­دى. كونفەرەنتسيادا «ورتالىقتىڭ 30 جىل­دا اتقارعان يگى شارالارى»، «قازاقستان مەن وزبەكستان اراسىنداعى ىڭتىماقتاس­تىق­تىڭ كەلەشەگى»، «قازاقستان حالىقتارى اسسامب­لەيا­سىنىڭ ۇلتارالىق قاتىناستاردى دامىتۋ­دا­عى ءرولى» مەن «شەت مەملەكەتتەرمەن دوستىق باي­لانىستاردا قانداستاردىڭ ورنى» اتتى تا­قىرىپتار قوزعالدى. سونىمەن قاتار مەكەم­باي ومار ۇلىنىڭ «تاشكەنت قازاقتارى تاريحى جانە مادەني ءومىرى» اتتى كىتابىنىڭ تۇساۋكە­سەرى ءوتتى.
ءىس-شارا بارىسىندا بىرنەشە ماڭىزدى كەز­دەسۋ ءوتتى. اتاپ ايتساق، «وتانداستار قورى» دە­لەگاتسياسى وزبەكستان رەسپۋبليكاسى مي­نيستر­لەر كابينەتى قۇزىرىنداعى ۇلتارالىق قا­تىناستار جانە شەت مەملەكەتتەرمەن دوستىق باي­لانىستار كوميتەتى جانە وزبەكستان VATANDOSHLAR jamoat fondi باسشىلىعىمەن كەز­دەسىپ، ەكىجاقتى بىرلەسكەن جوبالار مەن ءتا­جىريبە الماسۋ ماسەلەلەرى تالقىلاندى.
قازاق مادەني ورتالىعىنىڭ 30 جىل­دى­عىنا ارنالعان ءىس-شارادا قوجا احمەت ياساۋي اتىنداعى حالىقارالىق قازاق-تۇرىك ۋنيۆەر­سي­تەتى، قورقىت اتا اتىنداعى قىزىلوردا ۋني­­­ۆەرسيتەتى، م.اۋەزوۆ اتىنداعى وڭتۇستىك قا­زاقستان ۋنيۆەرسيتەتى، وڭتۇستىك قازاقستان مەم­لەكەتتىكى پەداگوگيكالىق ۋنيۆەرسيتەتى مەن م.دۋلاتي اتىنداعى تاراز وڭىرلىك ۋنيۆەرسيتە­تى­نىڭ قاتىسۋىمەن «ءبىلىم» كورمەسى ۇيىمداس­تىرىلدى.
تاشكەنت قالاسىنىڭ «تۇركىستون» كون­تسەرت­تىك سارايىندا قازاقتىڭ كورنەكتى سۋرەتشىلەرى مەن جازۋشىلارىنىڭ كورمەسى ءوتتى. ەكى كۇندىك باع­دارلامانىڭ سوڭىندا قازاقستاندىق ءان­شى­لەر­دىڭ قاتىسۋىمەن گالا-كونتسەرت ءوتتى. كون­تسەرت­كە تانىمال ءانشى مايرا مۇحامەتقىزى، ج.شانين تەاترىنىڭ ءارتىس­تەرى، ەسترادا ءان­شىلەرى مەن «قازىنا» بي تو­بى، وركەستر ارتىستەرى جانە وپەرا بالەت تەات­رىنىڭ بالەت توبى شاقىرىلىپ، ءوز ونەر­لە­رىن كورسەتتى.
كونتسەرتتىك شارا «وتانداستار قورى» مەن شىم­كەنت قالاسى اكىمدىگىنىڭ قولداۋىمەن ۇيىم­داستىرىلدى.

               

ب.بالىقباي

ۇقساس جاڭالىقتار

Back to top button