حالىقتىڭ مۇددەسىن قورعايتىن وزگەرىستەر ەنگىزىلمەك – عاني يساەۆ

تسەلينوگراد اۋدانى مانشۇك اۋىلىنىڭ اكىمى عاني يساەۆ كونستيتۋتسياعا ەنگىزىلەتىن وزگەرىستەر مەن تولىقتىرۋلار بويىنشا وتكەن رەفەرەندۋمعا قاتىستى پىكىرىن ءبىلدىردى دەپ حابارلادى turkystan.kz.

«5 ماۋسىمدا كونستيتۋتسياعا وزگەرتۋلەر مەن تولىقتىرۋلار ەنگىزۋ ماسەلەلەرى بويىنشا رەسپۋبليكالىق رەفەرەندۋم ءوتتى. تسەلينوگراد اۋدانى مانشۇك اۋىلىندا سايلاۋ ۋچاسكەسى شتاتتىق رەجيمدە جۇمىس ىستەدى. ءىس-شاراعا «پارتيادان تىس باقىلاۋ ورتالىعى» رەسپۋبليكالىق قوعامدىق بىرلەستىگىنىڭ اقمولا وبلىستىق فيليالى بويىنشا 3 وكىلى باقىلاۋشى بولدى. رەفەرەندۋم بارىسىندا داۋ-داماي مەن زاڭبۇزۋشىلىق بايقالعان جوق. مانشۇك اۋىلىنىڭ تۇرعىندارى رەفەرەندۋمدا بەلسەندىلىك تانىتتى. جاڭا قازاقستاندى قۇرۋعا داۋىس بەرۋگە قۇقىعى بار 432 سايلاۋشىنىڭ 352-ءسى قاتىسىپ (81،9%)، كونستيتۋتسياعا وزگەرتۋلەر مەن تولىقتىرۋلار ەنگىزۋدى 69،6%-ى قولدادى، ال 24،4%-ى قارسى بولدى»، – دەدى عاني يساەۆ.

ونىڭ پىكىرىنشە، الداعى ۋاقىتتا حالىقتىڭ مۇددەسىن قورعايتىن جانە قولدايتىن بىرقاتار وزگەرىستەر ەنگىزىلمەك.

«ەلدى مەكەندە ۇگىت-ناسيحات جۇمىستارى جۇرگىزىلىپ، وزگەرىستەردىڭ تيىمدىلىگى مەن قاجەتتىلىگى باياندالدى. مەملەكەتتىك باسقارۋداعى حالىقتىڭ ءرولى مەن ورنى ايتىلدى. اۋىل تۇرعىندارىنىڭ باسىم بولىگى پرەزيدەنتتىڭ باستاماسىن قولدادى. جاڭا الەمدەگى جاڭا قازاقستاندى ورناتۋ ءۇشىن وسى رەفەرەندۋم كەرەك بولدى دەپ ەسەپتەيمىن. حالىقتىڭ مۇددەسىن قورعايتىن جانە قولدايتىن بىرقاتار وزگەرىس ەنگىزىلمەك. وسى كۇنگە دەيىن ەل بايلىعى مەملەكەت مەنشىگى دەپ كەلگەن ەدىك. ەندى ەنگىزىلەتىن وزگەرىستە «حالىق مەنشىگى» دەلىنگەن. وسى تۇسى كوڭىلگە ەرەكشە قوندى. سونىمەن قاتار ەنگىزىلىپ وتىرعان تولىقتىرۋلار مەن وزگەرىستەر حالىق اراسىندا وڭ پىكىر مەن قولداۋ تاۋىپ وتىرعانى قۋانتادى. پرەزيدەنتتىڭ وسىنداي دەموكراتيالىق قادامدارى بارشا حالىقتىڭ كوڭىلىنەن شىقتى دەپ ەسەپتەيمىن»، – دەدى عاني يساەۆ.

ۇقساس جاڭالىقتار

Back to top button