قازاقستاندا جسن العان رەسەيلىكتەردىڭ سانى 42 مىڭنان استى

ەلىمىزدە جىل باسىنان بەرى 42،5 مىڭنان استام رەسەيلىك جسن الدى. بۇل وتكەن جىلمەن سالىستىرعاندا 19 ەسە جوعارى كورسەتكىش دەپ حابارلادى turkystan.kz LS پورتالىنا سىلتەمە جاساپ.

«2022 جىلدىڭ 24 اقپانىنان بۇگىنگە دەيىن 42 506 رەسەيلىك ازامات قازاقستاننان جسن الدى. وتكەن جىلى وسى ۋاقىت ارالىعىندا رەسەيدىڭ 2 230 ازاماتى جسن العان بولاتىن»، – دەپ حابارلادى ىشكى ىستەر مينيسترلىگى.

وسىلايشا، بۇل كورسەتكىش 19 ەسەدەن اسىپ كەتكەن.

مينيسترلىك، سونداي-اق، بيىل قازاقستانعا رەسەي تولقۇجاتىمەن 400 مىڭعا جۋىق ادام كىرگەنىن جانە 580 مىڭ ادامنىڭ كەتكەنىن، بۇل وتكەن جىلمەن سالىستىرعاندا ەكى ەسەگە كوپ ەكەنىن ءمالىم ەتتى.

«بۇعان كارانتيننىڭ السىرەۋى جانە ءساۋىر ايىندا قۇرلىقتاعى شەكارانىڭ اشىلۋى سەبەپ بولىپ وتىر. بۇرىن تەك ۇشاقپەن عانا كىرىپ-شىعا الاتىن. كەلۋشىلەردىڭ ۇشتەن ەكىسى قازاقستانعا قۇرلىقتاعى شەكارا بەكەتتەرى اشىلعاننان كەيىن كىرگەن. ەلدەن كەتكەندەرگە قاتىستى ءۇردىس تە وسىنداي»، – دەپ ءتۇسىندىردى ءىىم.

26 مامىردان باستاپ شەتەلدىكتەرگە جسن بەرۋدىڭ ونلاين قىزمەتى قولجەتىمسىز بولىپ قالعان بولاتىن. eGov.kz سايتى تەحنيكالىق سەبەپتەرگە سىلتەمە جاساپ، ىشكى ىستەر مينيسترلىگىمەن بىرلەسكەن جۇمىس جۇرگىزىلىپ جاتقانىن ءتۇسىندىردى. بۇل رەتتە شەتەلدىكتەر جسن-ءدى حالىققا قىزمەت كورسەتۋ ورتالىقتارىنان الا الادى.

«26 مامىردان بۇگىنگى كۇنگە دەيىنگى كەزەڭدە مەملەكەتتىك كورپوراتسيا ارقىلى رەسەيدىڭ 2852 ازاماتى جسن الدى»، – دەپ حابارلادى ءىىم.

سونداي-اق ۆەدومستۆو جسن بانكتىك كارتالاردى، شوتتاردى، زاڭدى تۇلعالاردى اشۋعا، مەملەكەتتىك باج سالىعىن تولەۋگە، مامىلەلەر جاساۋعا جانە ت.ب. بايلانىستى الەۋمەتتىك، مەديتسينالىق، قارجىلىق جانە باسقا دا ماسەلەلەردى شەشۋ ءۇشىن قاجەت ەكەنىن قوستى.

ىڭكار سەرىكقىزى

ۇقساس جاڭالىقتار

Back to top button