ۇلتتىق قۇرامانىڭ ۇلتتار ليگاسىنداعى ۇتىمدى ويىنى

جاڭا قازاقستاندى فۋتبولدان ۇلتتىق قۇرامامىز باستاپ كەت­كەن­دەي. ءيا، ءدال وسىلاي ايتۋعا تولىق نەگىز بار. ۇلتتار ليگا­سى ايا­سىن­دا ءوتىپ جاتقان تارتىستى ليگا ويىندارىندا ۇلتتىق قۇرا­ما­نىڭ ونەر كورسەتۋى قۋانتادى ارينە.
ەسكە سالساق، قازاقستان قۇراماسى D ليگاسىنىڭ ويىندارىندا مولدوۆا قۇرا­­ماسىنا قارسى ويناپ، سوڭعى پە­نال­تي سەرياسىندا جانكۇيەرلەردىڭ جا­­نارىنا جاس ءۇيىردى. قۇراما جەڭىستى جۇ­­لىپ اكەتىپ، س ليگاسىنا جولداما ال­­عان بولاتىن.
2021 جىلعى الەم چەمپيوناتىنا ىرىك­تەۋ كەزەڭىندە قازاقستان قۇرا­ما­سى­نىڭ ءساتسىز ويىن كورسەتىپ، قارسىلاس قۇرا­مالارعا ءىرى ەسەپپەن ەسە جىبەرۋى، فە­دەراتسيا تاراپىنا دەگەن ۇلكەن سىن بولىپ، جانكۇيەرلەردىڭ ۇنجىرعاسىن ءتۇسىر­گەن ەدى. بۇل جايتقا بيلىك تارا­پى­نان دا ارىز-شاعىمدار ايتىلىپ، ءبىراز ابىگەرگە سالدى.
«سىن تۇزەلمەي ءمىن تۇزەلمەيدى» دە­مەكشى، ۇلتتار ليگاسىنداعى ۇلتتىق قۇرا­مانىڭ ويىن ورنەگى كوڭىل كون­شى­تەر­لىكتەي. تىپتەن توپتىڭ باس ءفاۆوريتى سا­نالعان، قۇرامىندا ەۋروپانىڭ قۇر­لىقتىق ويىندارىندا ونەر كورسەتەتىن بەل­دى ويىنشىلارى بار سلوۆاكيا قۇرا­ماسىن ءبىر گول ەسەپ ايىرماسىمەن تىزە بۇكتىرىپ، ايدى اسپانعا ءبىر-اق شى­عار­دى. جالپى، بۇدان بۇرىنعى ازەر­بايجان قۇراماسىنا قارسى ويىندا دا جەڭىس­كە جەتىپ، ۇلتتار ليگاسى بويىنشا ءوز توبىمىزدا كوش باستادىق. ازىرگە ار­قانى كەڭگە سالۋعا بولمايدى. الدا ءالى تارتىستى ويىندار كوپ.
دەگەنمەن ۇلتتىق قۇراماعا ساتتىلىك جول­داس بولىپ، «تەمىردى قىزعان كەزدە سوق» دە­گەن­دى ابدەن قۇلاقتارىنا ءسىڭىر­گەندەي بەرىل­گەن مۇمكىندىكتى ءساتتى قول­دانۋدا. ويىن بارىسىندا تاكتيكالىق، فيزي­كا­لىق جاعىنان جەڭىلسە دە ءناتي­جەدەن ازىرگە ءمۇلت كەتەر ەمەس. ال جال­پى ويىن ءور­نەگى مەن دوپ ۇستاۋ شەبەرلىگى بويىن­شا قارسىلاسقا ەسە جىبەرىپ، ەر­كىن كوسىلۋىنە جول بەرىپ قويامىز.
داۋلى دوپينگ ماسەلەسىنە كەلەر بول­ساق، وسى ۋاقىتقا دەيىن الاڭدا ءوزىن جاقسى كورسەتىپ، كوپتىڭ كوڭىلىنەن شىققان باۋىرجان يسلامحان، ايبول ابىكەن سىندى فۋتبولشىلاردى دوپينگ قولداندى دەگەن ايىپپەن فۋتبولدان ۋاقىتشا شەتتەتتى.
ەلىمىزدىڭ ىشكى فۋتبول جاعدايىنىڭ الەۋەتى ۋاقىت وتكەن سايىن ارتىپ كە­لەدى. قازىر ەلىمىزدە كلۋبتار اراسىندا­عى تارتىستى ويىندار كوبەيىپ، الاڭعا جي­نالاتىن جانكۇيەرلەردىڭ قاراسى قا­لىڭداعان. سونىمەن قاتار الاڭدا قارا­كوز قازاق باۋىرلارىمىزدىڭ سانى ارتۋى قۋانتارلىق جايت.
ودان بولەك اۋەسقوي ليگالاردىڭ ءوزى كاسىبي فۋتبولدا جولى بولماعان نە «دوپ قۋعان توزار» دەگەن مەنتاليتەتپەن الاڭنان باس تارتقان جاندارعا فۋتبول وي­ناپ جەڭىسكە ۇمتىلۋىنا جاعداي جا­ساپ قۋانتۋدا. ۇلكەن فۋتبول دوداسىندا SD Family، Sparta سىندى كلۋبتار قا­تارى­نا جاس جەتكىنشەكتەردى قوسىپ، اكا­دەميالارىن جاڭعىرتۋ ۇستىندە. فۋت­بول ويىندارىنا ءتىپتى ءانشى، اكتەر، جۋر­ناليستەر قاۋىمى دا بەت بۇرىپ، شوۋ ماتچتاردى كورەرمەن نازارىنا ۇسى­نىپ، فۋتبولعا دەگەن جاڭا ءبىر مو­تي­ۆاتسيا سىيلاپ ءجۇر.
ال الەمدىك الپاۋىتتارمەن ءبىر الاڭ­دا تەرەزەسىن تەڭەستىرىپ، تارتىستى ويىن وتكىزىپ جۇرگەن قازاقستان فۋتزال قۇرا­ماسىنىڭ الەۋەتى بولەك ءبىر تا­قىرىپ.
تورتكۇل الەم كوز تىككەن فۋتبول ويىن­دارىنىڭ بىزدەگى جاعدايى ازىرگە وسىن­داي. ەل نامىسىن اسقاقتاتىپ ءجۇر­گەن ۇلتتىق قۇراماعا بىرگە جانكۇيەر بولايىق. تولاعاي تابىسقا تولى جەڭىس­تى كۇندەرىمىز كوپ بولسىن!

نۇرداۋلەت
جانداۋوۆ،
ل.گۋميلەۆ اتىنداعى
ەۇۋ جۋرناليستيكا فاكۋلتەتىنىڭ
2-كۋرس ستۋدەنتى

ۇقساس جاڭالىقتار

Back to top button