قازاقستاندا ەندى اقبوكەندەردى اتۋعا رۇقسات بەرىلۋى مۇمكىن

ەكولوگيا مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى جانۋارلار دۇنيەسىن پايدالانۋعا رۇقسات بەرۋ قاعيدالارىنا وزگەرىستەر مەن تولىقتىرۋلار ەنگىزەتىن بۇيرىق جوباسىن دايىندادى دەپ حابارلادى turkystan.kz.

وسىدان 7 جىل بۇرىن قابىلدانعان نورماتيۆتىك قۇجات بۇل جولى «كيىكتەردىڭ ديريۆاتىن جيناۋ» تارماقشاسىمەن تولىقتىرىلعان.

بۇدان بولەك، تولىقتىرۋلار نەگىزىندە كاسىپشىلىك، اۋەسقويلىق، مەليوراتسيالىق، عىلىمي-زەرتتەۋ جانە ەپيزووتيانى بولدىرماۋ ماقساتىندا اڭ اۋلاۋعا، اقبوكەندەردىڭ ديريۆاتىن جيناۋعا رۇقسات بەرىلەدى.

مەملەكەتتىك قىزمەت كورسەتۋگە جاۋاپتى ورگاندار:

ەكى جانە ودان دا كوپ وبلىستىڭ اۋماعىندا ورنالاسقان بالىق شارۋاشىلىعى سۋ ايدىندارىندا جانۋارلاردى الىپ قويۋدىڭ، كيىكتەر دەريۆاتتارىن جيناۋدىڭ بەلگىلەنگەن ليميتتەرى مەن كۆوتالارى شەگىندە عىلىمي-زەرتتەۋ ءۇشىن اۋلاۋدى قوسپاعاندا، جەرگىلىكتى اتقارۋشى ورگاندار;

ەكى جانە ودان دا كوپ وبلىستاردا ورنالاسقان بالىق شارۋاشىلىعى سۋ ايدىندارىندا عىلىمي-زەرتتەۋ ءۇشىن اۋلاۋ ماقساتىندا بالىق رەسۋرستارىن جانە باسقا دا سۋ جانۋارلارىن قورعاۋ، ءوسىمىن مولايتۋ جانە پايدالانۋ سالاسىنداعى ۆەدومستۆو;

كيىكتەردىڭ ديريۆاتتارىن جيناۋ ماقساتىندا ورمان شارۋاشىلىعى، جانۋارلار دۇنيەسىن قورعاۋ، ءوسىمىن مولايتۋ جانە پايدالانۋ سالاسىنداعى ۆەدومستۆوسى كورسەتەدى.

بۇيرىق  نقا (نورماتيۆتىك قۇقىقتىق اكتىلەر) سايتىندا جاريالاندى. قۇجاتتى تالقىلاۋ 21 ماۋسىمعا دەيىن جالعاسادى.

 

ۇقساس جاڭالىقتار

Back to top button