رەفەرەندۋم: اتىراۋدا تاڭەرتەڭ 5 ءسابي دۇنيەگە كەلدى

رەفەرەندۋم كۇنى تاڭدا اتىراۋ قالاسىندا 5 ءسابي دۇنيە ەسىگىن اشتى دەپ حابارلادى turkystan.kz.

اتىراۋ وبلىستىق وڭىرلىك كوممۋنيكاتسيالار قىزمەتىنىڭ مالىمەتىنشە، دۇنيە ەسىگىن ەندى اشقان شاقالاقتاردىڭ 5-ەۋى دە قىز بالا.

اتىراۋ قالالىق پەرزەنتحاناسىندا ورنالاسقان №80 ۋچاسكەدە 90 انا ءوز تاڭداۋىن جاسادى. جەرگىلىكتى ۋاقىتپەن تاڭعى ساعات 7.00-دە العاش بولىپ گاۋھار بۇزاۋبەكوۆا داۋىس بەردى. گاۋحاردىڭ بۇل ءۇشىنشى نارەستەسى، بۇعان دەي̆ىن ەگىزىن وسىدان 9 جىل بۇرىن دۇنيەگە اكەلگەن.

پەرزەنتحانا ۇجىمى ءبىرىنشى بولىپ تاڭداۋ جاساعان كەلىنشەككە بالا كۇتىمىنە ارنالعان جيىنتىقتى سىي̆عا تارتتى.

«مەن ءوز بالالارىمنىڭ بولاشاعى ءۇشىن داۋىس بەرىپ، تاڭداۋىمدى جاسادىم. ەلىمىز امان، جۇرتىمىز تىنىش بولسىن! دارىگەرلەرگە العىسىمىز شەكسىز»، – دەدى ول.

ال 19 جاستاعى كامشات قاي̆راتوۆا بۇگىن العاش رەت انا اتاندى.

«مەن بۇگىن دارىگەرلەردىڭ ارقاسىندا ءوز نارەستەمدى قولىما العانىما قۋانىشتىمىن. تاڭداۋىمدى بالالارىمنىڭ بولاشاعى ءۇشىن جاسادىم»، – دەي̆دى ول.

ۇقساس جاڭالىقتار

Back to top button