7 قالادا «قولجەتىمدى سپورت» جوباسى باستالدى

«قولجەتىمدى سپورت» جوباسى قالا تۇرعىندارىن ءارتۇرلى سپورت تۇرلەرىنە ۇيرەتۋگە باعىتتالعان، سونداي-اق وسى سپورت تۇرلەرى بويىنشا سپورت سەكتسيالارىنا تەگىن قاتىسۋعا مۇمكىندىك بەرەدى دەپ حابارلادى turkystan.kz.

اتالمىش جوبا العاش رەت ءوز جۇمىسىن قازان ايىنىڭ باسىندا نۇر-سۇلتان قالاسىندا باستاۋ الدى. جوبا 2021 جىلدىڭ جەلتوقسان ايىنىڭ سوڭىنا دەيىن جالعاسىپ، 20 مىڭعا جۋىق ەلوردا تۇرعىنىن قامتىدى.

جوبا قازاقستاننىڭ 7 قالاسىندا ءوز ەسىگىن قايتا اشتى. ولار – نۇر-سۇلتان، الماتى،  شىمكەنت، سەمەي،  پەتروپاۆل، اقتاۋ جانە تالدىقورعان قالالارى.

مادەنيەت جانە سپورت مينيسترلىگىنىڭ باستاماسى مەن قولداۋىنىڭ ارقاسىندا قالا تۇرعىندارى ءۇشىن بارلىق ساباق تەگىن وتەدى.

سپورت زالدارىندا فيتنەس، ۇستەل تەننيسى جانە كاراتە ساباقتارى ۇيىمداستىرىلعان. جۇگىرۋ جانە سكانديناۆيالىق ءجۇرىس قالالاردىڭ ساياباقتارى مەن تىنىم باقتارىندا وتەدى.

جوباعا قاتىسۋ ءۇشىن جاس شەكتەۋلەرى بار:

– سكانديناۆيالىق ءجۇرىس 18 جاستان باستاپ

– فيتنەس 18 جاستان باستاپ

– زالدارداعى ۇستەل تەننيسى 18 جاستان باستاپ

– كاراتە، جۇگىرۋ 7 جاستان باستاپ.

ۇقساس جاڭالىقتار

Back to top button