Шәуешекте дүнген, қытай, орыс, қырғыз балалары күй тартты (ВИДЕО)

Қытайдың Шәуешек қаласында әр ұлттан құралған бастауыш мектептің оқушылары Әбдімомын Желдібаевтың «Ерке сылқым» күйін орындады деп хабарлады turkystan.kz ҚазАқпаратқа сілтеме жасап. Бұл Халықаралық балалар құқығын қорғау күніне орай ұйымдастырылған.  Видеода топтық күй басталардан бұрын балалар өз атын-жөндері және қай ұлттың өкілі екенін айтқанын көруге болады. Шын Шуо, Уан Сы Цун, Тун Линлин, Ян Шини қатарлы балалар өздерінің ханзу (қытай) екенін айтса, Мина есімді қыз дүнген ұлтының өкілімін деп таныстырады. Ал тағы бір бала өзін орыспын десе, енді бір жасөспірім өзінің қырғыз екенін айтты.