جالعان شوت-فاكتۋرا جازىپ بەرۋمەن اينالىسقان قىلمىستىق توپ ۇستالدى

قاراعاندى وبلىسىندا جۇمىستاردى ءىس جۇزىندە ورىنداماي، جالعان شوت-فاكتۋرالار جازىپ بەرۋ بويىنشا زاڭسىز ارەكەتتەرمەن اينالىسقان ۇقت قۇرىقتالدى دەپ حابارلادى turkystan.kz.

مەملەكەت باسشىسىنىڭ تاپسىرماسىنا سايكەس، قارجىلىق مونيتورينگ اگەنتتىگى كولەڭكەلى ەكونوميكاعا قارسى ءىس-قيمىل سالاسىنداعى جۇمىسىن جالعاستىرۋدا.

«قارجىلىق مونيتورينگ اگەنتتىگىنىڭ قاراعاندى ​​وبلىسى بويىنشا اۋماقتىق دەپارتامەنتى كونتراگەنتتەر-ساتىپ الۋشىلاردى سالىق تولەۋدەن بوساتۋ ماقساتىندا جۇمىستاردى ءىس جۇزىندە ورىنداماي، تاۋارلاردى جەتكىزبەي جالعان شوت-فاكتۋرالار جازىپ بەرۋ بويىنشا زاڭسىز ارەكەتتەرمەن اينالىسقان ۇيىمداسقان قىلمىستىق توپتىڭ ارەكەتىن اشكەرەلەدى. 2018-2021 جىلدار ارالىعىندا 7 جالعان كومپانيانىڭ قىلمىستىق ارەكەتىنەن جالپى اينالىم 2 ميلليارد تەڭگەدەن اسقانى، سونىڭ سالدارىنان مەملەكەتتىك بيۋدجەتكە 300 ميلليون تەڭگەدەن استام سالىق تۇسپەگەنى انىقتالدى»، – دەلىنگەن حابارلامادا.

كۇدىكتى ۇيقاماققا الىندى.

قىلمىستىق ءىس اياقتالىپ، بەكىتىلگەن ايىپتاۋ اكتىسىمەن سوتقا جولداندى.

ۇقساس جاڭالىقتار

Back to top button