پاۆلوداردا بەلگىسىز زاتتان ۋلانعان جەتىنشى ادام كوز جۇمدى

پاۆلودار وبلىسى ەرتىس اۋىلىندا بەلگىسىز زاتتان ۋلانعان جەتىنشى ادام كوز جۇمدى دەپ حابارلادى turkystan.kz Pavlodarnews.kz-كە سىلتەمە جاساپ.

وڭىرلىك دەنساۋلىق ساقتاۋ باسقارماسىنىڭ مالىمەتىنشە، مارقۇم 28 مامىردا ەرتىس اۋداندىق اۋرۋحاناسىنان پاۆلودار قالالىق №3 اۋرۋحانانىڭ جانساقتاۋ بولىمىنە جەتكىزىلگەن. وبلىستىق دەنساۋلىق ساقتاۋ باسقارماسىنىڭ حابارلاۋىنشا، 48 جاستاعى ەر ادامدى امان الىپ قالۋ مۇمكىن بولماعان.

ەسكە سالساق، بۇعان دەيىن پاۆلودار وبلىسى ەرتىس اۋىلىندا بەلگىسىز زاتتان جەتى ادام ۋلانىپ، بەسەۋى قايتىس بولعان. كەيىن 1980 جىلعى تاعى ءبىر ازامات اۋرۋحانادا كوز جۇمدى.

وبلىستىق پوليتسيا دەپارتامەنتىنىڭ مالىمەتىنشە، ءمان-جايدى انىقتاۋ كەزىندە مارقۇمداردىڭ ەرتىس اۋىلىنىڭ تۇرعىنىندا ءبىر ىدىستا ساقتالعان شىعۋ تەگى بەلگىسىز سۇيىقتىقتى ىشكەنى بەلگىلى بولعان.

ايتا كەتسەك، پوليتسيا قىزمەتكەرلەرى كوز جۇمعان مارقۇمداردىڭ ەرتىس اۋدانى تۇرعىنىنىڭ ۇيىندە ءبىر ىدىستا ساقتالعان شىعۋ تەگى بەلگىسىز سۇيىقتىقتى ىشكەنىن انىقتادى. ىدىس الىنىپ، سۇيىقتىقتىڭ قالدىعىنا ساراپتاما جاسالاتىن بولدى. زەرتتەۋ ناتيجەسى بويىنشا ءولىمنىڭ سەبەبى انىقتالادى.

ۇقساس جاڭالىقتار

Back to top button