Ақмола облысында жоғалған 17 жастағы студент табылды

Ақмола облысында бір күн бұрын колледж жатақханасынан белгісіз жаққа кетіп қалған 17 жастағы студент аман табылды деп хабарлады turkystan.kz.

«Жедел-іздестіру шарасы барысында сәуірдің 25-інде жоғалған Виталий Садвакасов Степногор қаласынан табылды. Бозбаланың сөзінше, ол туған қаласына жолай кездескен көлікпен жеткен. Оның Степногор қаласындағы шағынауданда жүргенін көрген адамдар полицияға хабарлап айтты», – деді Ақмола облыстық Полиция департаментінің баспасөз қызметіндегілер.

Айта кетсек, жоғалған жасөспірімді іздеуге Көкшетау қалалық Полиция басқармасы және Краснояр учаскелік полиция бекетінің жеке құрамы, еріктілер жұмылдырылды.

Ұқсас жаңалықтар

Back to top button