Нью-Йорк метросында атыс: 10-нан астам адам жарақат алды

12 сәуір күні таңертең Нью-Йорк метро платформасында қарулы шабуыл нәтижесінде кем дегенде 16 адам зардап шекті. Шабуылшы қылмыс орнынан қашып кетті, оны полиция іздеуде деп жазды turkystan.kz. BBS News порталына сілтеме жасап.

Полиция қызметкерлері 62 жастағы Фрэнк Джеймстен жауап алу мақсатында оған іздеу салынғанын мәлімдеді.  Ол күдікті де, ықтимал куәгер де болуы мүмкін: бұл адамның аты кілті қылмыс орнында табылған жүк көлігін жалдау шартында көрсетілген.

Нью-Йорк полициясының бас детективі Джеймс Эссигтің айтуынша, Джеймстің Нью-Йорк метросында болған оқиғамен байланысы нақты анықталған жоқ.

Детективтің мәліметінше, шабуылдаушы станциялардың бірінде 33 оқ атып, кем дегенде 10 адамды жарақаттаған. Сондай-ақ, қылмыскер жарылғыш затты қолданған.

Сейсенбі күні кешке қалалық метрода атыс салдарынан Бруклиндегі «36-шы көше» станциясына жергілікті уақыт бойынша таңғы сағат 8:30 шамасында шабуыл кезінде он адам оқ жарақатын алды. Бес адам тұрақты ауыр жағдайда.

«Шабуылдың ықтимал себебі аталмай отыр. Бірақ әзірге қылмыс террористік акт ретінде қарастырылмайды», – деді Нью-Йорк полициясының комиссары.

Жергілікті БАҚ-тың хабарлауынша, қылмыс орнында жарылғыш заттар табылды. Станцияны жаппай түтін жайлаған. Өрт сөндірушілер мен полиция оның шығу тегін зерттеп, жарылғыш құрылғылардың біреуі жарылғанын анықтады.

Қала әкімшілігі тұрғындарды өз қауіпсіздігі үшін және құтқарушыларға зардап шеккендерге көмектесуге және тергеу жүргізуге мүмкіндік беру үшін бұл аймақтан аулақ болуға шақырды.

Нью-ЙоркНью-Йорк

Ұқсас жаңалықтар

Back to top button