Түркіменстанда таксистер Президентті алып жүреді

Түркіменстанда таксистерге автокөліктің алдыңғы әйнегіне Президент Сердар Бердымұхамедовтің суретінің көшірмесін жапсырып жүруді міндеттеп жатыр деп хабарлады turkystan.kz. Әзірге Марый уәлаятының таксистері Бердымұхамедовтің суретінің көшірмесін ілуді бастады. Осы аймақта жекеменшік көліктің жүргізушілеріне заң бойынша «такси» деген ресми белгімен халыққа қызмет көрсетуге тыйым салынған. Сондықтан оларға жол полициясы Президенттің фотосының копиясын жапсыруды міндеттеген. Бұл жерде «таксидің белгісі» 5 манатқа (1,5 доллар) бағаланып отыр.