الماتىلىق ەكسكاۆاتورشى «گولوس ۋكراينى» شوۋىندا جۇرتتى ءتانتى ەتتى (ۆيدەو)

وتانداسىمىز ديماش داۋلەتوۆ «گولوس ۋكراينى» شوۋىنىڭ 12-ماۋسىمىنا قاتىستى. ول بايقاۋدىڭ 4-شىعارىلىمىندا Whitney Houston-نىڭ I Have Nothing ءانىن ورىندادى دەپ جازدى turkystan.kz.

27 جاستاعى جىگىتتىڭ ايتۋىنشا، ول ءان ايتۋدى بالا كەزىندە باستاعان. الايدا اتا-اناسىنىڭ ايتۋىمەن كوللەدجگە ەكسكاۆاتور مەن بۋلدوزەر جۇرگىزۋشىسى ماماندىعىنا وقۋعا تۇسكەن. ءتورت جىل رۋدنىي قالاسىنداعى سوكولوۆ-سارىباي كەن-بايىتۋ وندىرىستىك بىرلەستىگىندە ەكسكاۆاتورشى بولىپ جۇمىس ىستەگەن.

الماتىلىق ەكسكاۆاتورشى «گولوس ۋكراينى» شوۋىندا جۇرتتى ءتانتى ەتتى (ۆيدەو)

«بۇل ساحنانى كوپتەن ارماندادىم. داۋىسىم دىرىلدەپ تۇردى. قاتتى ۋايىمدادىم، ويتكەنى بۇكىل قازاقستان كورەدى. وليا پولياكوۆا بۇرىلعاننان كەيىن سەنىمدى ايتا باستادىم. ساحناعا شىقپاس بۇرىن بەرگەن سۇحباتىمدا ەگەر 4 تالىمگەر تۇگەل بۇرىلسا، ولاردىڭ رەكتسياسىنا قاراپ، كىمگە باراتىنىن تاڭدايتىنىمدى ايتتىم»، – دەدى ديماش داۋلەتوۆ.

ايتقانىنداي بولدى. بولاشاعى بار انشىگە 4 تالىمگەر دە بۇرىلدى. ءسويتىپ، ديماش ءۇشىن ناعىز كۇرەس باستالدى. تالىمگەرلەردىڭ ارقايسىسى جاس جىگىتتىڭ ءوزىن تاڭداعانىن قالادى. بىراق ول وليا پولياكوۆانىڭ كومانداسىن تاڭدادى.

«مەنى قاتتى قۋانتتىڭ. راقمەت! سەنىمەن بىرگە جۇمىس ىستەۋ ۇلكەن قۋانىش ءارى قۇرمەت. سەن قازىر دە دايىن ءارتىسسىڭ. وتە دارىندى ءارتىس. تەك ازداپ باعىتتاپ جىبەرۋ كەرەك. قولىمنان كەلگەننىڭ ءبارىن جاسايمىن»، – دەدى وليا پولياكوۆا.

ۇقساس جاڭالىقتار

Back to top button