Алматы әкімінің орынбасары Мақсат Кикимов қызметінен кетті. Бұл туралы ол Instargam парақшасында жазды деп хабарлады turkystan.kz.
«Бүгін менің Алматы қаласы әкімінің орынбасары лауазымындағы соңғы күнім. Алматы әкімдігінде 10 жыл бойы үздіксіз жұмыс істедім. Осы уақыт ішінде біз сіздермен бірге қаламыздың игілігі үшін көп нәрсе жасай алдық. Қолдау мен кері байланыс үшін әрқайсыңызға рахмет! Сындарлы сын мен үздік қаланы құру бағытын қолдаудың арқасында Алматы түбегейлі өзгерді», - деді Мақсат Кикимов.
Сондай-ақ ол Бақытжан Сағынтаев бастаған барлық әріптестеріне алғыс білдірді.
«Біз бірге барлық өзекті мәселелердің тереңдігіне жетуге және оларды ортақ күш-жігермен бірден шешуге тырыстық. Қала тағдырына бей-жай қарамағандарыңыз үшін рахмет. Еш жерде және ешқашан, әлемнің бірде-бір қаласында жұлдызды балалық шақ қаласы - Алматы сияқты жарқырап жанбайды. Осы жерде дүниеге келдім, өстім, оқыдым, отбасы құрдым, үш баланың әкесі атандым. Қаламызды шын жүректен жақсы көремін», - деп жазды ол.
