وقۋشى ۇبت-عا دەسەرتتىڭ اراسىنا تەلەفون جاسىرىپ كىرمەك بولدى (ۆيدەو)

بۇگىن نۇر-سۇلتان قالاسىنداعى تاۋەلسىزدىك سارايىندا قاڭتار ايىنداعى ۇبت ءوتتى. تالاپكەرلەردىڭ ءبىرى سىناققا مودەم جانە ۇيالى تەلەفون قوسىلعان ءتاتتى دەسەرت الىپ كىرمەك بولعان دەپ جازدى turkystan.kz.

ول ءتاتتى ورامانىڭ اراسىنا جاسىرىلعان قۇرىلعىلاردىڭ كومەگىمەن تەست تاپسىرماسىن ورىنداعىسى كەلگەن.

«كرەاتيۆتى تەست تاپسىرۋشىلار ءبىزدى تاڭعالدىرۋدان جالىقپاي كەلەدى. سىزدەردىڭ نازارلارىڭىزعا كەكستىڭ ىشىنە تىيىم سالىنعان زاتتاردى الىپ كىرگەن تالاپكەردىڭ «شىعارماشىلىق جۇمىسىن» ۇسىنامىن. بىراق ونىڭ بۇل قۋلىعى ءبىزدىڭ قىراعى باقىلاۋشىلاردىڭ ارقاسىندا جۇزەگە اسپادى. سوندىقتان وعان كرەاتيۆتى جۇمىسى ءۇشىن «140»، ال قاڭتار ايىنداعى ۇبت ناتيجەسىنە «0» دەگەن بالل بەرىلەدى»، – دەپ جازدى ۇبت ورتالىعىنىڭ ديرەكتورى رۋسلان ەمەلباەۆ.

ديرەكتور تالاپكەرلەرگە ۇبت-دا سمارتفوندارعا ەمەس، تەك ءوز بىلىمدەرىنە سۇيەنۋ كەرەكتىگىن ايتتى.

ۇقساس جاڭالىقتار

Back to top button