Бұл туралы Нұр-Сұлтан қаласының Арнайы мамандандырылған ауданаралық әкімшілік соты мәлімдеді, деп хабарлады turkystan.kz.
«ҚР Азаматтық іс жүргізу кодексінің 225-бабы, 3-бөлігі негізінде сот осы іс бойынша қосымша мән-жайларды анықтау мақсатында шешім шығару үшін залдан шыққан соң, осы іс жүргізуді қайта қозғау қажет деп есептейтіні туралы шешім қабылдады. Толық қаралғаннан кейін сот жарыссөздері және әкімшілік істің материалдарын қарау қайта жүргізілетін болады», – деді судья Жанар Дүйсенова.
Сотқа «Aqiqat» корпоративтік заңгерлер коалициясы талап-арыз жазып, шағымданған. Жауапкерлер ретінде Нұр-Сұлтан қаласы әкімінің аппараты мен «Астана - Технополис» арнайы экономикалық аймағының басқарушы компаниясы шақырылған.
Судья Нұр-Сұлтан әкімдігінің өкілі сотқа ұсынуы қажет құжаттарды атап өтті. Оның ішінде қаланың егжей-тегжейлі жоспарлау жобасына, Бас жоспарына сәйкес 2012 жылдан 2020 жылға дейін Кіші Талдыкөл көлдері тобы кіретін жерлерді нысаналы дайындау, 2020 жылғы желтоқсанда шығарылған елді мекен жерлеріне ауыстыру туралы қаулыға қатысты мәліметтерді әкелуі тиіс.
«Сот ісі 9 ақпанда, сағат 10:30-да тыңдалады», - деді судья.
Еске сала кетсек, корпоративтік заңгерлер коалициясы елорда әкімдігінің Кіші Талдыкөл маңында су қорғау аймағы мен белдеуін орнату бойынша шара қабылдамауына байланысты сотқа жүгінген болатын.
