ەلوردادا ۇستىنە مەتالل كونسترۋكتسيا قۇلاعان ايەل قايتىس بولدى

 اۋرۋحاناعا اۋىر جاعدايدا تۇسكەن قالا تۇرعىنى ەسىن جيناماعان كۇيى ومىردەن ءوتتى، دەپ جازدى turkystan.kz.

قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، 1965 جىلى تۋعان ناۋقاس №2 قالالىق كوپسالالى اۋرۋحاناعا وتە اۋىر جاعدايدا تۇسكەن.

ايەلدى شۇعىل تۇردە ارنايى ماماندار تەكسەرىپ، كەيىن جەدەل تۇردە جانساقتاۋ بولىمىنە جاتقىزىلدى. اشىق باس سۇيەك-مي جاراقاتى، باس ميىنىڭ اۋىر كونتۋزياسى انىقتالعان. دەنەسىندە ءتۇرلى جاراقاتتار بولعان. ميعا وپەراتسيالار كەزەڭ-كەزەڭىمەن جاسالدى. وكىنىشكە قاراي، وتا وڭ ناتيجە بەرگەن جوق.

«اعىمداعى جىلدىڭ 14 جەلتوقسانىندا ناۋقاس ەسىن جيماعان كۇيدە قايتىس بولدى. جاسالعان رەانيماتسيالىق شارالارعا قاراماستان ناۋقاستى امان الىپ قالۋ مۇمكىن بولمادى»، – دەپ حابارلادى دەنساۋلىق ساقتاۋ باسقارماسىنىڭ ءباسپاسوز قىزمەتى.

ەسكە سالا كەتەيىك، 22 قازان كۇنى نۇر-سۇلتاندا كوپقاباتتى ءۇي شاتىرىنان مەتالل كونسترۋكتسيا قۇلاعان بولاتىن. وقىس وقيعاعا بايلانىستى قر قىلمىستىق كودەكسىنىڭ 306-بابىنا سايكەس سوتقا دەيىنگى تەرگەۋ امالدارى باستالدى.

ۇقساس جاڭالىقتار

Back to top button