ەلوردانىڭ العاشقى قۇرىلىسىنا اتسالىسقان ازاماتتارمەن كەزدەسۋ ءوتتى

بۇگىن قازاقستان رەسپۋبليكاسىنىڭ تۇڭعىش پرەزيدەنتى – ەلباسى كىتاپحاناسىندا ەلوردامىزنۇر-سۇلتان قالاسىنىڭ العاشقى قۇرىلىسىنا اتسالىسقان ازاماتتارمەن كەزدەسۋ ءوتتى.

ەلوردا

 

ءىس-شارا قازاقستان رەسپۋبليكاسى تاۋەلسىزدىگىنىڭ 30 جىلدىعى مەن ەلىمىزدىڭ ماڭىزدى كۇنىنە ارنالدى. 1997 جىلدىڭ 10 جەلتوقسانىندا اقمولا قالاسى، قازىرگى نۇر-سۇلتان، قازاقستاننىڭ باس قالاسى بولىپ جاريالانعان.

كەزدەسۋگە ەلىمىزدىڭ بەلگىلى ساياسي جانە قوعام قايراتكەرلەرى فاريت گاليموۆ، سەرگەي فوميچەۆ، سەرىك ءرۇستامبەكوۆ، سانسىزباي ەسىلوۆ، تولەگەن مۇحامەدجانوۆ، نيكولاي مەششەرياكوۆ، اناتولي چەنتسوۆ، سۆەتلانا جالماعامبەتوۆا، باير دوسماعامبەتوۆ، جانىبەك كارىبجانوۆ، الەكساندر ليتۆينوۆ، قايسار وماروۆ، بولات قۋانىشەۆ، احمەتوللا شاكىروۆ شاقىرىلدى.

ەلوردا

«قازاقستاننىڭ جاڭا استاناسى جاريالانعان كۇنى باسىمىزدى قوسقان ءىس-شارانى ۇيىمداستىرۋشىلارعا راحمەت. قالا اكىمدىگىنىڭ بۇرىنعى قىزمەتكەرى رەتىندە ەلباسى كىتاپحاناسىنا كەلگەنىمە قۋانىشتىمىن. قىمبات تا تانىس جاندارمەن جۇزدەسىپ، قۋانىشىم ەسەلەنە ءتۇستى. باس قالامىز بۇگىندە ەرەكشە ساۋلەتىمەن كوزدىڭ جاۋىن الادى. ەلوردانىڭ يگىلىگى ءۇشىن جۇمىس ىستەي ءجۇرىپ، ءبىز ەلباسىنىڭ ايرىقشا قولداۋىن سەزىندىك»، دەپ وي ءبولىستى 1997-2000 جىلدارى ەلوردا اكىمىنىڭ ءبىرىنشى ورىنباسارى بولعان، ال بۇگىندە ارداگەرلەر كەڭەسىنىڭ توراعاسى سانسىزباي ەسىلوۆ.

«ماعان وسى اۋقىمدى جۇمىسقا و باستان قاتىسۋ باقىتى بۇيىردى. ءبارىنىڭ قالاي باستالعانىن، جەردىڭ استى مەن ۇستىندە نە جاتقانىن كوردىم. قالا قۇرىلىسىنا تىكەلەي اتسالىستىم. بۇگىن مەن وسى ىسكە بەلسەنە قاتىسقانداردىڭ بارلىعىنا شەكسىز العىسىمدى بىلدىرەمىن. ولار – تاماشا ادامدار، قۇرىلىسشىلار، ءوز ەلىنىڭ ناعىز پاتريوتتارى»، – دەپ اتاپ ءوتتى 2001-2002 جىلدارى «سارىارقا» اۋدانى اكىمىنىڭ ورىنباسارى، كەيىن ەلوردا اكىمىنىڭ ورىنباسارى بولعان سەرگەي فوميچەۆ.

ەلىمىزدىڭ باس قالاسى قالىپتاسۋىنىڭ باستاۋىندا تۇرعان «ەۆرازيا + ورت» جشس باس ديرەكتورىنىڭ ءبىرىنشى ورىنباسارى سۆەتلانا جالماعامبەتوۆا دا ءوز ەستەلىكتەرىمەن ءبولىستى:

«كەڭەس وداعى ىدىراعاننان كەيىن قازاقستان تۋرالى ءبىراز ساراپشىلار ەكونوميكاسى ءالسىز ەل، كوپتەگەن ۇلتتار مەكەن ەتكەندىكتەن ولار ءوزارا داۋلاسىپ، كۇيرەيدى دەپ پايىمدادى. بىراق، بارلىق بولجامدارعا قاراماستان، ءدال ءبىزدىڭ ەلدە، قازاقستاندا بەيبىتشىلىك پەن كەلىسىم ورناپ، قازاقستان حالقى اسسامبلەياسى قۇرىلدى. ەلباسىنىڭ ارقاسىندا العاشقى كۇننەن باستاپ بولاشاققا دەگەن بەرىك سەنىم قالىپتاستى. بۇگىندە قازاقستان –حالىقارالىق ارەنادا بەدەلدى، تۇراقتى مەملەكەت، ال نۇر-سۇلتان بۇكىل الەمگە تانىمال بولدى».

شارا

كەزدەسۋ


ءىس-شارا
بارىسىندا قوناقتار ەلوردانىڭ قالىپتاسۋ مەن دامۋ تاريحىنا ارنالعان ەكسپوزيتسيالاردى تاماشالادى. ونىڭ اياسىندا ەلباسى كىتاپحاناسىنىڭ مۋزەي، ارحيۆ جانە كىتاپحانا قورلارىنان الىنعان فوتوسۋرەتتەر، قۇجاتتار، بەينەجازبالار جانە باسقا دا بىرەگەي جادىگەرلەر ۇسىنىلدى.

ۇقساس جاڭالىقتار

Back to top button