Бүгін күрес түрлерінен Қазақстан чемпионаты басталды

Нұр-Сұлтан қаласында күрес түрлерінен Қазақстан чемпионаты басталды, деп хабарлады Turkystan.kz. Аталған байрақты бәсеке 7-12 желтоқсан күндеріне жоспарланған. Ел біріншілігі Жақсылық Үшкемпіров атындағы жекпе-жек сарайында өтіп жатыр. Жарысқа 18 жасқа толмаған спортшылар UWW ережесі бойынша дәрігердің медициналық анықтамасы және ата-анасының қолхаты арқылы қатысады. Турнирді алдымен еркін күрес шеберлері бастады. Кейін әйелдер күресінен жеңімпаздар анықталса, сосын грек-рим күресінің өкілдері чемпионатты аяқтайды.