باقتيار ارتاەۆ جاڭا قىزمەتكە تاعايىندالدى

بوكستان وليمپيادا چەمپيونى باقتيار ارتاەۆ جاڭا قىزمەتكە تاعايىندالدى، – دەپ حابارلايدى Vesti.kz.

«استانا ارلانس» ءباسپاسوز قىزمەتىنىڭ مالىمەتىنشە، باقتيار ارتاەۆ قازاقستاننىڭ بوكستان مەملەكەتتىك جاتتىقتىرۋشىسى بولات ءابدىراحمانوۆتىڭ ورنىنا كەلدى.

ارتاەۆ 2018 جىلدىڭ اقپانىنان «استانا ارلانس» بوكس كلۋبىنىڭ باس مەنەدجەرى قىزمەتىن اتقارعان.

باقتيار ارتاەۆ 1983 جىلى 14 ناۋرىز تاراز قالاسىندا تۋعان. بوكسشى، وليمپيادا چەمپيونى، ۆەل باركەر كۋبوگىنىڭ يەگەرى، حالىقارالىق سپورت شەبەرى، 1-دارەجەلى بارىس وردەنىنىڭ يەگەرى.

2004 جىلعى گرەكيانىڭ افينا قالاسىندا وتكەن وليمپيادادا بوكستان 69 كەلى سالماق اراسىنداعى جارىس چەمپيونى، ەرەسەكتەر اراسىندا بوكستان دۇنيە ءجۇزى چەمپيوناتىنىڭ قولا جۇلدەگەرى (2005 جىل قاراشا ميانيان قالاسى، قىتاي). 7 دۇركىن قازاقستان چەمپيونى.

ۇقساس جاڭالىقتار

Back to top button