ەلىمىزدىڭ ءۇش وڭىرىندە ۇسىك جۇرەدى – قازگيدرومەت

قازگيدرومەت 7 مامىرعا ارنالعان اۋا رايى بولجامىن ۇسىنادى.

قازاقستان تەرريتورياسىنىڭ باسىم بولىگىندە فرونتالدى بولىكتىڭ وتۋىنە بايلانىستى قۇبىلمالى اۋا رايى كۇتىلەدى. كەي جەردە جاڭبىر جاۋادى، نايزاعاي جارقىلدايدى. تەك ەلىمىزدىڭ باتىسى جانە سولتۇستىگى انتيتسيكلوننىڭ ىقپالىندا بولعاندىقتان جاۋىن-شاشىنسىز اۋا رايى ساقتالادى. رەسپۋبليكانىڭ كەي جەرiندە جەلدىڭ كۇشەيۋى، بۇرشاق جاۋى ىقتيمال.

جامبىل، تۇركىستان، الماتى وبلىستارىنىڭ كەي جەرىندە بۇرشاق جاۋى ىقتيمال، جەلدىڭ جىلدامدىعى 15-21 م/س جەتەدى.

تۇركىستان، جامبىل وبلىستارىنىڭ كەي جەرىندە قاتتى داۋىل كۇتىلەدى.

سولتۇستىك قازاقستان، شىعىس قازاقستان، كۇندىز پاۆلودار، قىزىلوردا وبلىستارىنىڭ كەي جەرىندە جەل 15-20 م/س كۇشەيەدى. تۇندە اقمولا، قوستاناي، سولتۇستىك قازاقستان وبلىستارىنىڭ كەي جەرىندە 2 گرادۋس ۇسىك كۇتىلەدى.

ۇقساس جاڭالىقتار

Back to top button