Алматыдағы атыс: күзетшіге шабуыл жасалған сәттің видеосы тарады (видео)

Әлеуметтік желіде Алматы қаласындағы «Бұқар жырау» тұрғын үй кешені күзетшісін қарулы адамның мылтықпен жарақаттаған сәтінен видео тарады, деп хабарлайды ҚазАқпарат. Әлеуметтік желіде тараған видеодан екі адамнның сөйлесіп тұрғанын, одан кейін ер адамның күзетшінің аяғына оқ атып, бой тасалағанын байқауға болады. https://www.youtube.com/watch?v=dCrb3JRmojU Еске сала кетейік, бүгін Алматыда тұрғын үй кешенінің күзетшісі аңшылыққа арналған мылтықтан жарақат алған болатын. Полиция департаментінің мәліметінше, күзетші мен белгісіз ер адамның арасында туындаған жанжал салдарынан күзетшінің аяғы аңшылық мылтықтан жараланған. Ол ауруханада жатыр.