Алматыда локдаун қашан енгізілетіні белгілі болды

Алматы қаласының бас мемлекеттік санитарлық дәрігері Жандарбек Бекшин қала қайтадан толықтай карантинге жабылуы мүмкін екенін ескертті.  «Бүгінде бізде 3400 төсек-орын бар, олардың жүктемесі 40 пайыздан аспайды. Сонымен қатар, 7 мың резерв төсек бар, бірақ резервтер де таусылуы мүмкін. Ауруханаға тәулігіне 5000 адам жатқызылса, онда бір инкубациялық кезең ішінде барлық төсек-орындарды толығымен аламыз. Бұған жол беруге болмайды. Егер күніне 300 науқас жатқызылса да, қала локдаунға жабылады. Уақтылы шаралар қабылдамасақ, онда, әрине, барлығын толығымен жауып, тоқтатуға тура келеді. Біздің міндетіміз - бұған жол бермеу», - деді бас санитар. Еске сала кетейік, Алматының "қызыл" аймаққа енуіне байланысты қалада Наурыз және басқа да мерекелік корпоративтерді ұйымдастыруға және өткізуге тыйым салынды. Сондай-ақ, демалыс күндері сауда, ойын-сауық орталықтары мен базарлар жұмыс істемейді. Өткен тәулікте қалада 342 адамнан індет анықталып, пандемия басталғалы 27коронавирус жұқтырған алматылықтардың жалпы саны 27703-ке жетті.